ՀԱՅԱՍՏԱՆԻ ԴՊՐՈՑՆԵՐՆ ԱՅՍ ՏԱՐԻ ԿԱՒԱՐՏԻ ՄՕՏ 50 ՀԱԶԱՐ
ՇՐՋԱՆԱՒԱՐՏ
21-05-2007 19:20:00 | Հայաստան | Հասարակութիւն
ԵՐԵՎԱՆ, 21 ՄԱՅԻՍԻ, ՆՈՅԵԱՆ ՏԱՊԱՆ: Հանրապետութեան 1417
հանրակրթական դպրոցները 2006-2007 ուստարում կավարտեն մօտ 50 հազար
շրջանաւարտներ, որոնցից 12031-ը` Երեւանից: Աւարտական պետական
քննությունները դպրոցներում կանցկացուեն յունիսի 1-20-ը:
Ինչպէս «ՆՈՅԵԱՆ ՏԱՊԱՆ»-ի թղթակցի հետ զրոյցում յայտնեց ՀՀ
Կրթութեան եւ գիտութեան նախարարութեան հանրակրթութեան վարչութեան
պետ Նարինէ Յովհաննիսեանը, այս տարի փոփոխութիւն է կատարուել միայն
8-րդ դասարանցիների քննացանկում. աւելացել է 3 առարկայ` «Հայոց
պատմութիւն», «Բնագիտութիւն» (աշակերտի ընտրութեամբ` «Ֆիզիկա»,
«Քիմիա», «Կենսաբանություն», «Աշխարհագրութիւն») եւ «Ֆիզիկական
կուլտուրա»: Այս փոփոխութիւնը, ըստ վարչութեան պետի, կատարուել է
Սովորողների գնահատման հայեցակարգի շրջանակներում, որը հաստատուել է
2005թ.-ին: «Հայոց լեզու» առարկայից ութերորդցիները կյանձնեն
փոխադրություն: Միւս` օտար լեզու եւ մաթեմատիկա առարկաների
քննությունները կյանձնեն ինչպէս նախկինում:
Ն.Յովհաննիսեանը նշեց, որ տասներորդցիների քննական
առարկաներում փոփոխութիւններ չեն եղել. նրանք եւս կյանձնեն 6
քննություն` նոյն առարկաներից, ինչպէս ութերորդցիները:
Յունիսի 1-ին տասներորդցիները քննություն կյանձնեն «Հայոց
լեզու, գրականութիւն» առարկայից` աւարտական եւ միասնական
տարբերակներով` ԿԳՆ Գնահատման եւ թեստավորման կենտրոնի կազմած
թեստերով: Յունիսի 4-ին ԿԳ նախարարութեան սահմանած կարգով գրաւոր
քննություն կկազմակերպուի «Մաթեմատիկա»-ից, իսկ յունիսի 11-ին`
բնագիտությունից («Ֆիզիկա», «Քիմիա» եւ «Կենսաբանություն»
առարկաներից` աշակերտի ընտրութեամբ):
Հանրակրթութեան վարչութեան պետ Նարինէ Յովհաննիսեանը
տեղեկացրեց նաեւ, որ այս տարի տասներորդցիները առանձին քննություն
չեն հանձնի «Հայ գրականութիւն»-ից: Այդ առարկան կյանձնեն միայն
աւարտական ու բուհական ընդունելութեան համար միասնաբար անցկացուող
«Հայոց լեզու, գրականութիւն» քննությանը մասնակցող
շրջանաւարտները:
Երրորդ դասարանցիները կյանձնեն երկու գրաւոր քննություն`
«Հայոց լեզու» եւ «Մաթեմատիկա» առարկաներից` ԿԳ նախարարութեան
կողմից սահմանուած օերերին` յունիսի 1-5-ը ընկած ժամանակահատուածում: