ՖԻԴԵԼ ԿԱՍՏՐՈՆ ԿՐԿԻՆ ԿԶԲԱՂԵՑՆԻ ԿՈՒԲԱՅԻ ԱՌԱՋՆՈՐԴԻ ՊԱՇՏՕՆԸ
16-03-2007 18:28:00 | | Միջազգային
ՀԱՎԱՆԱ, 16 ՄԱՐՏԻ, ՆՈՅԵԱՆ ՏԱՊԱՆ: Ֆիդել Կաստրոն
վիրահատությունից յետոյ արագօրէն վերականգնւում է եւ կկարողանայ
շարունակել կատարել պետութեան ղեկավարի իր պարտականութիւնները:
Այս մասին հինգշաբթի լրագրողներին յայտարարել է Կուբայի
ժողովրդական իշխանութեան ազգային վեհաժողովի (խորհրդարանի) նախագահ
Ռիկարդո Ալարկոնը: Նա համոզմունք է յայտնել, որ Ֆիդել Կաստրոն
«կլինի հոյակապ վիճակում» եկող տարուայ մարտին խորհրդարանում
վերընտրվելու համար: Կաստրոյի պատգամաւոր վերընտրվելը անհրաժեշտ
փուլ է «պետութեան ղեկավարի պաշտօնում իր գործունէութիւնը
շարունակելու» համար, յայտարարել է Ալարկոնը:
Ըստ Կուբայի խորհրդարանի նախագահի, նա բաւականին յաճախ է
շփւում Կաստրոյի հետ նրա վերականգնման շրջանում: «Նա չի հեռացել
իշխանութիւնից եւ մասնակցում է պետութեան համար առաւել կարեւոր
որոշումների ընդունմանը»,- հաւաստիացրել է Կուբայի խորհրդարանի
խօսնակը: Միեւնոյն ժամանակ, Ալարկոնը նկատել է, որ Ֆիդելի
վերադարձը աշխատանքի «կախուած է անձամբ իրենից եւ բուժող
բժիշկներից»,- նշում է «ինտերֆաքսը»:
Ալարկոնը յայտնել է, որ անձամբ կառաջադրի այնուհետեւ Կաստրոյի
թեկնածութիւնը պետութեան բարձրագոյն պաշտօնի համար խորհրդարանի
կողմից հերթական անգամ ընտրութեան համար: Խորհրդարանի խօսնակը այս
յայտարարութիւնն արել է խորհրդակցութիւնից յետոյ, ուր քննարկուել
են Կուբայում գալիք տարուայ մարտին նախատեսուած համընդհանուր
ընտրութիւնների նախապատրաստութեան հարցերը: Դրանց արդիւնքում
ընտրուած պատգամաւորները կնշանակեն Պետխորհրդի նախագահ` գործադիր
իշխանութեան ղեկավար: Այն ժամանակից, երբ երկրի 1976 թ.
սահմանադրութեամբ հիմնուել է այդ պաշտօնը, այն անփոփոխ զբաղեցրել է
Ֆիդել Կաստրոն, հաղորդում է ԻՏԱՌ-ՏԱՍՍ-ը: