ՀԱՅԱՍՏԱՆՈՒՄ ՆՈՒԱԶՈՒՄ Է ԱՆՉԱՓԱՀԱՍՆԵՐԻ ԿՈՂՄԻՑ ԿԱՏԱՐՒՈՂ
ՀԱՆՑԱԳՈՐԾՈՒԹՅՈՒՆՆԵՐԻ ԹԻՒԸ
22-02-2007 14:41:00 | Հայաստան | Հասարակութիւն
ԵՐԵՎԱՆ, 22 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Հայաստանում վերջին
տարիներին նկատւում է անչափահասների կողմից կատարուված
հանցագործությունների թուի նուազում: Ինչպէս «ՆՈՅԵԱՆ ՏԱՊԱՆ»-ի
թղթակցին յայտնեցին ՀՀ Ոստիկանութեան հասարակայնութեան հետ կապի եւ
լրատւութեան վարչութիւնից, եթէ 1997թ.-ին գրանցուել է
անչափահասների կողմից կատարուված հանցագործութեան 741 դէպք, ապա
2006թ.-ին` 506 դէպք:
Անցած տարի հանցագործութիւններ եւ այլ իրավախախտումներ
կատարելու համար ՀՀ Ոստիկանութեան Անչափահասների գործերով (ԱԳ)
ծառայութեան ստորաբաժանումներում պրոֆիլակտիկ հաշուառման մէջ է
գտնուել 1525 անչափահաս, այդ թւում մարմնավաճառութեամբ զբաղուող 3
աղջիկներ եւ 3 թմրամոլներ:
Անչափահասների կողմից կատարուված հանցագործությունների գեռակշիռ
մասը գողութեան դէպքեր են: Այսպէս, 2003թ.-ին անչափահասների կողմից
կատարուված 553 հանցագործութեան դէպքերից 387-ը գողութիւն է եղել,
2004թ.-ին` 557-ից 379-ը, 2005թ.-ին` 511-ից 354-ը, իսկ 2006թ.-ին`
506-ից 361-ը: Այս գողութիւնների զգալի մասն են կազմում մանր
հափշտակութեան դէպքերը, երբ գողունը էական արժէք չի ներկայացրել
կամ տուժողին էական վնաս չի պատճառուել:
2006թ.-ին անչափահասների կողմից կատարուել 1 սպանութիւն
(2005թ.-ին` 1), 22 խուլիգանական արարք (2005թ.-ին` 12), 17
կողոպուտ (2005թ.-ին` 24), 44 մարմնական վնասուածք պատճառելու դէպք
(2005թ.-ին` 47):
Նշուեց նաեւ, որ յանցաւորութեան ուղին բռնում են հիմնականում
սոցիալապէս անապահով եւ միակողմանի ծնողազուրկ անչափահասները: