ԵՐԻՏԱՍԱՐԴԱԿԱՆ ՄԱՐԶԱԿԱՆ ՕԼԻՄՊԻԱԿԱՆ ՓԱՌԱՏՕՆԻՆ ՄԱՍՆԱԿՑՈՒՄ ԵՆ
43 ԵՐԿՐՆԵՐԻ 1500 ՊԱՏՈՒԻՐԱԿՆԵՐ
21-02-2007 19:36:00 | | Սպորտ
ՋԱԿԱ, 21 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Իսպանիայի Ջակա քաղաքում
մեկնարկել է Եւրոպայի երիտասարդական ձմեռային մարզական օլիմպիական
փառատոնը, որին մասնակցում են 43 երկրների 1500 պատուիրակներ:
ինչպէս «ՆՈՅԵԱՆ ՏԱՊԱՆ»-ի թղթակցին յայտնեց ՀԱՕԿ-ի աշխատակից
Ժաննա Այվազեանը, գեղասահորդների պայքարում Արմինէ Ստամբոլցեանը
պարտադիր ծրագրից յետոյ 29 մասնակիցների մէջ 18-րդն է, իսկ
Յովհաննէս Մկրտչեանը 20 մենասահորդների մրցավեճում 12-րդը:
7,5 կմ դասական ոճի դահուկավազքում Արգամ Գրիգորեանը 64-րդն
է, Համլետ Զիրոյանը` 71-րդը 91 մասնակիցների պայքարում, իսկ
Քրիստինե Խաչատրեանը` 61-րդը` 80 մասնակիցների պայքարում:
Եուրի Մանուկեանը եւ Միշա Ղազարեանը հսկայ ոլորավայրէջքում
գրաւել են, համապատասխանաբար, 66 եւ 69-րդ տեղերը: