ՄՈՍԿՈՒԱՅՈՒՄ ՄԵԿՆԱՐԿԵՑ «ԱԷՐՈՖԼՈՏ ՕՓԵՆ» 6-ՐԴ ՄԻՋԱԶԳԱՅԻՆ
ՄՐՑԱՇԱՐԸ
15-02-2007 15:46:00 | Ռուսաստան | Սպորտ
ՄՈՍԿՈՒԱ, 15 ՓԵՏՐՈՒԱՐԻ, ՆՈՅԵԱՆ ՏԱՊԱՆ: Մոսկուայում փետրուարի
14-ին մեկնարկեց շախմատի «Աէրոֆլոտ օփեն» միջազգային 6-րդ
մրցաշարը: Հայաստանից մրցավայր են մեկնել 32 շախմատիստներ: Ա1
մրցաշարում (2550-ից բարձր վարկանիշ ունեցողները) 1-ին փուլում
Վլադիմիր Յակոբեանը, Կարեն Ասրեանը, Զաւէն Անդրիասեանը ոչ-ոքի
խաղացին, իսկ Գաբրիէլ Սարգսեանը, Աշոտ Անաստասեանը եւ Տիգրան Լ.
Պետրոսեանը պարտութիւն կրեցին: Արտաշէս Մինասեանը յաղթեց այդ
խմբում հանդէս եկող ուկրաինուհի Կատերինա Լահնոյին: