Հայաստանում պէտք է կանոնակարգվի ոսկու հումքի վաճառքի
շուկան,- ասում է Երեւանի ոսկերչական գործարանի գործադիր տնօրէնը
18-12-2009 15:42:00 | Հայաստան | Տնտեսութիւն
ԵՐԵՎԱՆ, 18 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ: Համաշխարհային
ֆիանանսատնտեսական ճգնաժամի արդիւնքում «Երեւանի ոսկերչական
գործարան» ԲԲԸ-ն մարդկային ռեսուրսների, աշխատանքային
հզորութիւնների պահպանման առումով վնասներ չի կրել, քանի որ
ընկերութիւնում կազմակերպել են նոր` զինուորական աքսեսուարների,
արտադրութիւն: Ինչպէս «ՆՈՅԵԱՆ ՏԱՊԱՆ»-ի թղթակցի հետ զրոյցում
նշեց գործարանի գործադիր տնօրէն Էմիլ Գրիգորեանը,
յունուար-հոկտեմբերին գործարանի արտադրութիւնը նուազել է 30%-ով,
բայց դիվերսիֆիկացիայի շնորհիւ տարեվերջին նուազումը կկազմի 10-15%:
Ըստ նրա, գործարանը տարեկան թողարկում է5-7 մլն ԱՄՆ դոլարի
արտադրանք: 2001թ.-ից սկսած տարեկան մօտ 3-4 մլն դոլարի ներդրում է
կատարուել, իսկ վերջին 2 տարում` ընդամէնը 150-200 հազար դոլարի:
Արտադրանքի 95%-ն արտահանւում է ԱՄՆ, Մերձաւոր Արեւելք, ԱՊՀ
երկրներ: Է.Գրիգորեանի խօսքերով, ներկայումս որոշակի քայլեր են
ձեռնարկւում ներքին շուկայում լուրջ տեղ գրաւելու համար:
Անդրադառնալով ՀՀ կառավարութեան կողմից իրականացyող
հակաճգնաժամային միջոցառումներին, Է.Գրիգորեանը կարեւոր քայլ
համարեց «Շահութահարկի մասին» եւ «Աւելացուած արժէքի հարկի մասին»
օրէնքներում փոփոխութիւններ կատարելու նախագծերը: «Շատ
առաջադիմական էր, եւ օպերատիւ կերպով այդ փոփոխութիւնները
ընդունվեցին: Սակայն մինչ օրս դրանք չեն հաստատուել Ազգային Ժողովի
կողմից: Եվ փաստորեն այս ծանր իրավիճակում մենք հսկայական
կորուստներ ենք կրում: Այսօր արդէն 400 հազար դոլարի գերավճար
ունենք, որը մեր աշխատանքային կէս ամսուայ հումքի գինն է կազմում»,-
ընդգծեց գործարանի տնօրէնը: Նրա խօսքերով, ոսկեգործությունը երկրի
տնտեսութեան զարգացման կարեւորագոյն ճիւղերից մէկն է, ուստի
պետութիւնը պէտք է լուրջ ուշադրութիւն դարձնի այս ոլորտին:
Իսկ ոլորտի զարգացմանը նպաստելու համար, ըստ Է.Գրիգորեանի,
կառավարութիւնն առաջին հերթին պէտք է կանոնակարգի ոսկու հումքի
վաճառքի շուկան, քանի որ Հայաստանում ոսկու վաճառքի ներքին շուկայ
գոյութիւն չունի, ինչի հետեւանքով տեղական արտադրողը ստիպուած
հումքը բարձր գներով ներկրում է դրսից, ինչն էլ բարձրացնում է
պատրաստի արտադրանքի ինքնարժէքը: