Ստամբուլում ցուցադրվելու են հայազգի արուեստագէտ Առլեթ
Գյուլդեմիրի հեղինակած արծաթէ զարդերը
16-12-2009 18:50:00 | | Մշակոյթ
ՍՏԱՄԲՈՒԼ, 16 ԴԵԿՏԵՄԲԵՐԻ, ՆՈՅԵԱՆ ՏԱՊԱՆ - ՀԱՅԵՐՆ ԱՅՍՕՐ:
Դեկտեմբերի 18-ին Շիշլիում կբացուի ստամբուլահայ արուեստագէտ Առլեթ
Գյուլդեմիրի արծաթէ զարդերի ցուցահանդէսը: Առլեթ Գյուլդեմիրը
ցուցահանդէսի համար պատրաստել է մօտաւորապէես 100 աշխատանք` դասական
եւ ժամանակակից ձեւավորումով: Ինչպէս գրում է «Մարմարան»,
իւրաքանչիւր գործ եզակի է եւ այդ տեսակետից առաւել արժէքաւոր:
Առլեթը իր արուեստը համարում է «յաւերժութեան ուղի, որի վրայ իջնում
են խորությունների ցոլքերը, որտեղ զգացումները միանում են մետաղին
եւ որի վրայ լոյսը ամբողջանում է քարերով»:
Առլեթ Գյուլդեմիրի արծաթէ զարդերի «Խորութիւն» խորագիրը կրող
ցուցահանդէսը գործելու է երկու օր` դեկտեմբերի 18-ին եւ 19-ին: