Արամ Ա կաթողիկոսն ընդունել է Կանադայի եւ Սիրիայի
նախկին դեսպաններին
06-10-2009 19:05:00 | | Հասարակութիւն
ԱՆԹԻԼԻԱՍ, 6 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ - ՀԱՅԵՐՆ ԱՅՍՕՐ:
Հոկտեմբերի 5-ին Մեծի Տանն Կիլիկիոյ կաթողիկոս Արամ Ա կաթողիկոսն
ընդունել է Լիբանանում Կանադայի նախկին դեսպան Հայկ Սարաֆյանին:
Ինչպէս տեղեկացնում են կաթողիկոսարանի մամլոյ ծառայութիւնից, Հայկ
Սարաֆեանը շուրջ վեց տարի եղել է Լիբանանում Կանադայի դեսպանը եւ
սերտ յարաբերութիւններ է հաստատել բոլոր համայնքների, քաղաքական
կազմակերպութիւնների ու յատկապէս Լիբանանի հայութեան հետ:
Յետագայում նա նշանակուել է Լիբիայում Կանադայի դեսպան: Հանդիպման
ժամանակ զրույցն ընթացել է հայ-թուրքական բանակցութիւնների շուրջ:
Կաթողիկոսարանից տեղեկացնում են նաեւ, որ օրեր առաջ Արամ Ա
կաթողիկոսը հանդիպել է Սիրիայում Հայաստանի նախկին դեսպան Լեւոն
Սարգսեյանի հետ եւ քննարկուել են Հայաստանի նախագահ Սերժ Սարգսեյանի
կատարած այցելութիւնները սփիւռքի տարբեր համայնքներ, ինչպէս նաեւ
առաջիկայ օրերին Լիբանան կատարելիք այցելութիւնը: