2009թ.-ի յունուար-օգոստոսին Հայաստանում ստացուել են աւելի քան
2,8 մլրդ դրամի պաշտօնական դրամաշնորհներ
02-10-2009 14:54:00 | Հայաստան | Տնտեսութիւն
ԵՐԵՎԱՆ, 2 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: 2009թ.-ի
յունուար-օգոստոսին Հայաստանում ստացուել են աւելի քան 2,8 մլրդ
դրամի պաշտօնական դրամաշնորհներ եւ 55,4%-ով ապահովել իննամսյա
ծրագրային ցուցանիշը: Այս մասին «ՆՏ»-ին յայտնեցին ՀՀ Ֆինանսների
նախարարութեան Տեղեկատուութեան եւ հասարակայնութեան հետ կապերի
բաժնից:
Նշուած գումարից շուրջ 1,3 մլրդ դրամը ստացուել է Եւրոպական
հարեւանութեան շրջանակներում ՀՀ-ԵՄ գործողութիւնների ծրագրով
նախատեսուած միջոցառումների ֆինանսաւորման համար, շուրջ 1,2 մլրդ
դրամը` Եւրոմիութեան պարենային ապահովութեան ծրագրի շրջանակներում,
120 մլն դրամը` «Պարենային արտադրութեան աճ» ծրագրի շրջանակներում
Ճապոնիայի կառավարութեան կողմից տրամադրուած ապրանքանիւթական
արժէքների դրամայնացումից, իսկ 260,5 մլն դրամը մուտքագրուել է
պետական հիմնարկների արտաբիւջէտային հաշիւներին` նրանց կողմից
իրականացyող ծրագրերի ֆինանսաւորման համար: