2009թ.-ի յունուար-օգոստոսին Հայաստանի պետական բիւջէի
հարկերի ու տուրքերի 17,8%-ն ապահովել է շահութահարկի հաշուին
02-10-2009 14:24:00 | Հայաստան | Տնտեսութիւն
ԵՐԵՎԱՆ, 2 ՀՈԿՏԵՄԲԵՐԻ, ՆՈՅԵԱՆ ՏԱՊԱՆ: 2009թ.-ի
յունուար-օգոստոսին Հայաստանի պետական բիւջէի հարկերի ու տուրքերի
17,8%-ն ապահովել է շահութահարկի հաշուին` կազմելով աւելի քան 57,4
մլրդ դրամ: Այս մասին «ՆՏ»-ին յայտնեցին ՀՀ Ֆինանսների
նախարարութեան Տեղեկատուութեան եւ հասարակայնութեան հետ կապերի
բաժնից:
Նախորդ տարուայ համեմատ շահութահարկի մուտքերը նուազել են
4,7%-ով կամ 2,8 մլրդ դրամով, ինչը հիմնականում պայմանաւորուած է ոչ
պետական ձեռնարկութիւնների եւ ոչ ռեզիդենտների կողմից վճարուած
շահութահարկի նուազմամբ: Միեւնոյն ժամանակ զգալի աճ է արձանագրուել
ֆինանսավարկային կազմակերպութիւնների կողմից վճարուած շահութահարկի
գծով` 44,9% կամ 2,5 մլրդ դրամ: Աւելացել են նաեւ պետական
ձեռնարկութիւնների կողմից վճարուած, մէկ տոկոս դրոյքաչափով,
ինչպէս նաեւ ոչ ռեզիդենտից աղբիւրի մօտ վճարուած շահութահարկի
մուտքերը, համապատասխանաբար, 11,7%-ով, 7,4%-ով եւ 75,3%-ով: