ՀՀ Իսրայելի դեսպանը կօժանդակի ՀՀ սփիւռքի նախարարութեանը
սփիւռքի հետ աշխատանքի իսրայելեան փորձին առաւել սերտ ծանօթանալու
հարցում
23-09-2009 22:00:00 | Հայաստան | Հասարակութիւն
Սեպտեմբերի 23-ին ՀՀ սփիւռքի նախարար Հրանուշ Հակոբեանն ընդունեց
Հայաստանում Իսրայելի արտակարգ եւ լիազօր դեսպան Շեմի Ցուրին
(նստավայրը` Երուսաղեմ):
Ինչպէս տեղեկացնում են ՀՀ սփիւռքի նախարարութիւնից, դեսպանը
եւ տիկին նախարարը քննարկեցին սփիւռքի հետ տարւվող աշխատանքների
եւ, յատկապէս, Իսրայելի փորձի հետ կապուած հարցեր:
Պայմանաւորուածութիւն ձեռք բերուեց, որ ՀՀ սփիւռքի նախարարութեան
մասնագէտները 2010թ. ապրիլին Իսրայելում մասնակցեն քառօրեայ
ուսուցողական դասընթացի. ՄԱԿ-ի Զարգացման ծրագրի հայաստանեան
գրասենեակը պատրաստակամ է ֆինանսավորել այդ ծրագիրը, որը կնպաստի
մասնագէտների փորձի փոխանցմանը, Սփիւռքի հետ տարւվող աշխատանքների
կազմակերպման կատարելագործմանը:
Տիկին Յակոբեանը շնորհակալութիւն յայտնեց դեսպանին այդ
ծրագիրը իրականութիւն դարձնելու ցանկութեան համար եւ նշեց, որ
Իսրայելի արդիւնքների ուսումնասիրումը կօգնի յատկապէս
նախարարութեան կողմից մշակուած հայրենադարձութեան ծրագրի նախագծի
արդիւնաւէտութեանը:
Դեսպան Շ.Ցուրը ներկայացրեց նաեւ Իսրայելի պետական
կառոյցներում հրեական սփիւռքի հետ աշխատանքի որոշակի
կառուցակարգերը: