Լիբանանում կազմակերպուել է Գ.Հարպոյան վարժարանի աշակերտների
ցուցահանդէս
26-05-2009 18:15:00 | | Մշակոյթ
ԶԱԼՔԱ, 26 ՄԱՅԻՍԻ, ՆՈՅԵԱՆ ՏԱՊԱՆ - ՀԱՅԵՐՆ ԱՅՍՕՐ: Մայիսի 23-ին
Զալքայի Հայ կաթողիկէ Ս. Խաչ եկեղեցու «Պետողլյան» սրահում տեղի է
ունեցել Հայ կաթողիկէ Գ. Հարպոյան վարժարանի աշակերտների
գարնանային անդրանիկ ցուցահանդէսի հանդիսաւոր բացումը, որին ներկայ
էին կրթական պատասխանատուներ, ծնողներ, ուսուցիչներ եւ
արվեստասերներ:
Ներկաներին ողջունելուց յետոյ Հայ կաթողիկէ Գ. Հարպոյան
վարժարանի տնօրէն Ռիտա Բոյաջեանը նշել է, որ ներկայ ցուցահանդէսը
հնարաւոր է դարձել ուսումնական տարուայ սկզբում բացուած
գեղանկարչութեան եւ քանդակի խմբակների երեքամսյա աշխատանքի
շնորհիւ:
Յետոյ տարիքային երեք խմբերի աշակերտներին մրցանակներ են
շնորհուել: Առաջին տեղը զբաղեցնող աշակետները ստացել են դրամական
պարգեւներ, իսկ երկրորդ եւ երրորդ տեղերը գրաւողներին որպէս նուէր
յանձնուել են զանազան գրենական պիտոյքներ:
5-17 տարեկան աշակերտների պատկերած բնանկարները ցուցահանդեսին
գարնանային գոյների գեղեցիկ ներդաշնակութիւն են հաղորդել: