Գլենդելու հասարակութեանը կներկայացուի Գրիգորիս Բալաքեանի
«Հայկական Գողգոթա» գիրքը
13-05-2009 18:53:00 | ԱՄՆ |
ԳԼԵՆԴԷԼ, 13 ՄԱՅԻՍԻ, ՆՈՅԵԱՆ ՏԱՊԱՆ - ՀԱՅԵՐՆ ԱՅՍՕՐ: Ուրբաթ օրը
Գլենդելում կայանալիք քննարկման ժամանակ յայտնի գրող եւ հետազոտող
Պիտեր Բալաքեանը կներկայացնի Գրիգորիս Բալաքեանի «Հայկական
Գողգաթան. 1915-1918թթ. Հայոց ցեղասպանութեան յիշողութիւն»
խորագրով գիրքը, որ անգլերէն է թարգմանվել իր եւ Արիս Սեւակի
կողմից:
Գրքում նկարագրւում է 1915թ. ապրիլի 24-ին Կոստանդնուպոլսում
ձերբակալուած 250 հայ մտաւորականներից մէկի` հայ քահանա Գրիգորիս
Բալաքեանի կեանքի 4 տարիները, ում հազարաւոր հայերի հետ աքսորել
էին Սիրիայի անապատներ:
Օսմանեան Թուրքիայի հայ առաջաւոր մտաւորականներից մէկը`
Գրիգորիս Բալաքեանը, ծնուել է 1876թ.: 1901թ. ձեռնադրուել է որպէս
Հայ Առաքելական եկեղեցու վարդապետ Եվրոպայում եւ Ռուսաստանում: Նրա
մի շարք գրքեր 1915թ. առգրաւուել եւ ոչնչացուել են թուրքական
կառավարութեան կողմից: Փրկվելով ցեղասպանությունից` Գ. Բալաքեանը
դարձել է Ֆրանսիայում Հայ Առաքելական եկեղեցու եպիսկոպոս:
Պիտեր Բալաքեանը Գ. Բալաքեանի ազգականն է: Նա յայտնի է իր
«Այրուող Տիգրիս. Հայոց ցեղասպանութիւնն ու Ամերիկայի
պատասխանատւութիւնը» եւ «Ճակատագրի սեւ շունը» գրքերով: