Լեւոն Արոնեանը եւ Վլադիմիր Յակոբեանը «Գրան Պրի» մրցաշարի
10-րդ փուլում յաղթանակներ տարան
27-04-2009 14:54:00 | Ռուսաստան | Սպորտ
ՆԱԼՉԻԿ, 27 ԱՊՐԻԼԻ, ՆՈՅԵԱՆ ՏԱՊԱՆ: Ապրիլի 26-ին Նալչիկի
շախմատի «Գրան Պրի» միջազգային մրցաշարի 10-րդ փուլում Հայաստանի
գրոսմայստերները յաղթանակներ տարան: Լեւոն Արոնեանը առաւելութեան
հասաւ Պաւել Էլյանովի (Ուկրաինա), իսկ Վլադիմիր Յակոբեանը` Էթյեն
Բաքրոյի (Ֆրանսիա) նկատմամբ:
Մրցաշարային աղիւսակը 6,5 միաւորով միանձնեայ շարունակում է
գլխաւորել Լ.Արոնեանը, իսկ 6 միաւորով երկրորդ տեղում է Պետեր
Լեկոն (Հունգարիա): Վլադիմիր Յակոբեանը, Ալեքսանդր Գրիշչուկը եւ
Եվգենի Ալեքսեեւը (երկուսն էլ` Ռուսաստան) 5,5-ական միաւորով
բաժանում են 3-5-րդ տեղերը:
11-րդ փուլում Լ.Արոնեանի մրցակիցը Ռուստամ Կասիմջանովն է
(Ուզբեկստան), իսկ Վ.Հակոբյանինը` Պեոտր Սվիդլերը (Ռուսաստան):