ՍԵՒԾՈՎԵԱՆ ԵՐԿՐՆԵՐԻ ՄԱՐԶԱԿԱՆ 1-ԻՆ ԽԱՂԵՐԸ ԿՄԵԿՆԱՐԿԵՆ ՅՈՒԼԻՍԻ
2-ԻՆ
11-01-2007 18:34:00 | Հայաստան | Սպորտ
ԵՐԵՎԱՆ, 11 ՅՈՒՆՎԱՐԻ, ՆՈՅԵԱՆ ՏԱՊԱՆ: Յուլիսի 2-8-ին
Տրապիզոնում (Թուրքիա) կանցկացուեն Սեւծովեան երկրների առաջին
մարզական երիտասարդական խաղերը: 9 երկրների ներկայացուցիչները
կպայքարեն 9 մարզաձեւերում` վոլեյբոլ, բասկետբոլ, ֆուտբոլ,
ատլետիկա, ըմբշամարտ, նետաձգություն, թաեքվոնդո, լող,
գեղարուեստական մարմնամարզութիւն: Հայսպորտպետկոմի մամլոյ
ծառայութիւնից «ՆՈՅԵԱՆ ՏԱՊԱՆ»-ի թղթակցին յայտնեցին, որ
միջոցառման մասին գրաւոր տեղեկացվել են համապատասխան մարզաձեւերի
ազգային ֆեդերացիաները, որոնք ձեռնամուխ են եղել նախապատրաստական
աշխատանքներին: Առայժմ խաղերի կազմկոմիտէին յայտեր չեն
ներկայացուել: Հայաստանը նույնպես չի հաստատել իր մասնակցութիւնը: