ԼԻՎԵՐՊՈՒԼ, 13 ՆՈՅԵՄԲԵՐԻ, ՆՈՅԵԱՆ ՏԱՊԱՆ: Անգլիայի Լիվերպուլ քաղաքում շարունակւում է բռնցքամարտի Եւրոպայի առաջնութիւնը: Նոյեմբերի 12-ին տեղի ունեցան քառորդ եզրափակիչի մենամարտերը: Հայաստանի ներկայացուցիչներ Էդվարդ Համբարձումեանը (64 կգ, Երեւան) 11:4 հաշւով յաղթեց Վեաչեսլաւ Կերբերին (Գերմանիա), իսկ Ցոլակ Անանիկեանը (91 կգ, Երեւան)` 8:7 հաշւով Դենիս Պոյսյուկային (Ուկրաինա): Նրանք անցան կիսաեզրափակիչ փուլ` իրենց համար ապահովելով առնուազն բրոնզէ մեդալ: Նախօրէին, ինչպէս արդէն յայտնել ենք, կիսաեզրափակիչ էր անցել նաեւ Յովհաննէս Դանիելեանը (48 կգ, Երեւան):

---