ԱՄՆ-Ը ՊԱՏԺԱՄԻՋՈՑՆԵՐ Է ՍԱՀՄԱՆԵԼ ՍԻՐԻԱԿԱՆ ՀԵՌՈՒՍՏԱԱԼԻՔԻ ԴԷՄ
10-01-2008 21:00:00 | ԱՄՆ | Միջազգային
ՎԱՇԻՆԳՏՈՆ, 10 ՅՈՒՆՎԱՐԻ, ՆՈՅԵԱՆ ՏԱՊԱՆ: Ջորջ Բուշի վարչակազմը
ի դէմս ԱՄՆ-ի ֆինանսների նախարարութեան յայտարարել է սիրիական
Al-Zawra արբանեակային հեռուստաալիքի եւ նրա սեփականատեր`
Սիրիայում ապրող իրաքեան խորհրդարանի նախկին անդամ, գործարար Միշան
Ալ-Ջաբուրիի դէմ պատժամիջոցներ սահմանելու մասին:
Ինչպէս հաղորդում է «Նովոստի» գործակալութիւնը, սիրիական
հեռուստաալիքի եւ նրա սեփականատիրոջ հետ միասին Իրաքում «բռնութեան
բորբօքման» եւ ԱՄՆ-ի գլխաւորած միջազգային կոալիցիայի զօրքերի դէմ
գործունէութեան համար պատժամիջոցների են ենթարկուել նաեւ Իրանի երեք
քաղաքացիներ` իսլամական յեղափոխութեան պահապանների կորպուսի
բրիգադի գեներալ Ահմեդ Ֆորուզանդեհը եւ Իրանում ծայրայեղական շիա
խմբաւորումների ղեկավարներ Աբու Մուստաֆա Ալ-Շեյբանին եւ Իսմայիլ
Հաֆիզ Ալ-Լամին: