Կկայանա «Տարվա լավագույն հանրային ծառայող և տարվա լավագույն ապրանքանիշ 2014» ամենամյա ազգային մրցանակաբաշխությունը
05-10-2014 16:00:00 | Հայաստան | Իրադարձություն
Հոկտեմբերի 5-ին,ժամը 16:00-ին, Ա.Սպենդիարյանի անվան օպերայի և բալետի ազգային ակադեմիական թատրոնում«Համազգայինվստահություն» խորհրդի կողմից կազմակերպվում է «Տարվա լավագույն հանրային ծառայող և տարվա լավագույն ապրանքանիշ 2014» ամենամյա ազգային մրցանակաբաշխությունը:
«Համազգային վստահություն» խորհուրդը այս տարի առաջին անգամ համաժողովրդական հարցումների արդյունքներով կհրապարակի «Տարվա մարդ» անվանակարգում լավագույն հանրային գործչի անունը: Համազգային հարցումների արդյունքներով ժողովրդի վստահությանն է արժանացել և «Տարվա մարդ» ճանաչվել ՀՀ ՊՆ Սեյրան Օհանյանը:
Ինչպես նաև կհրապարակվեն, թե ովքեր են Տարվա լավագույն քաղաքապետը, Վարչական շրջանի տարվա լավագույն ղեկավարը,Համայնքի տարվա լավագույն ղեկավարըև այլն:
Միջոցառման նպատակն է ներկայացնել և խրախուսել տնտեսության և հանրային ծառայության ոլորտներում լավագույնի կոչմանն արժանացած լավագույն հանրային ծառայողներին ու կազմակերպություններին:
Ավելի քան 40 անվանակարգերում կխրախուսվեն ողջ տարվա ընթացքում իրենց աշխատանքային ձեռքբերումներով, կորպորատիվ պատասխանատվությամբ արժանավոր ընկերություններն ու հանրային ծառայողները:
Միջոցառումն անցկացվում է արդեն չորրորդ տարին անընդմեջ: Արժանիներին որոշելու համար հարցումներ են անցկացվել հանրապետության բնակչության և փորձագետների շրջանում: «Տարվա լավագույն հանրային ծառայող և տարվա լավագույն ապրանքանիշ 2014» անվանակոչման արարողությունը կուղեկցվի շքեղ համերգային ծրագրով,ներկա կլինեն բազմաթիվ պաշտոնատար անձիք,գործարարներ:
«Համազգայինվստահություն» խորհրդի կողմից նաև կազմակերպվում է «Հայուհի»ամենանամյա կանանց մեծարման մրցանակաբաշխությունը, «Տարվա լավագույն բժիշկ և բուժհիմնարկ»մրցանակաբաշխությունը, «Արեգ»մանկական ապրանքների ու ծառայությունների մրցանակաբաշխությունը: Խորհուրդի կողմից տպագրվել է «Մեր օրերի հայ անվանի կանայք»գիրքը , ինչպես նաև կազմակերպվել բազմաթիվ համերգներ:
ՀԱՅԵՐԵՆ
Русский
English
Դաս. հայերեն
French