Կամերային տանը կանցկացվի հայ ժամանակակից կոմպոզիտորների ստեղծագործությունների երեկո

14-04-2021 19:00:00   | Հայաստան  |  Համերգ

Կոմիտասի անվան կամերային երաժշտության տանը ապրիլի 14-ին, ժամը 19:00 կկազմակերպվի հայ ժամանակակից կոմպոզիտորների ստեղծագործությունների երեկո։ Երեկոյին հանդես
կգա Հայաստանի պետական կամերային նվագախումբը (գեղարվեստական ղեկավար և գլխավոր դիրիժոր՝ Վահան Մարտիրոսյան)՝ դիրիժոր Ռուբեն Ասատրյանի ղեկավարությամբ։
 
Որպես մենակատարներ հանդես կգան ՀՀ վաստակավոր արտիստ, դաշնակահար Հայկ Մելիքյանը, դաշնակահար Նարինե Ենգիբարյանը և ջութակահար Աստղիկ Վարդանյանը։
 
Երեկոյի ընթացքում տեղի կունենա Տաթև Ամիրյանի The Birth of the Eternal (Հավերժականի ծնունդը) Դաշնամուրի, լարայինների և հարվածայինների համար գործի համաշխարհային պրեմիերան։
 
Կհնչեն նաև Էդուարդ Հայրապետյանի Պոստլյուդ, Լորիս Ճգնավորյանի
Սերենադ 12 լարայինների համար, Միխայիլ Կոկժաևի Կոնցերտինո
բլյուզի ոճով՝ դաշնամուրի և լարայինների համար, Ստեփան Շաքարյանի На волнах блюза (Բլյուզի ալիքների վրա) ստեղծագործությունները։
 
Հարցերի դեպքում կարող եք կապ հաստատել Կամերային երաժշտության ազգային կենտրոնի PR պատասխանատու Ռոզա Գրիգորյանի հետ 077 30 34 84
 
 
 
Նոյյան տապան   -   Համերգ
Լուրեր Հայաստանից եւ Սփյուռքից

Կարդացել են 40 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար