Հիշատակարան նվիրված ցեղասպանության 105-րդ տարելիցին

23-04-2021 11:00:00   | Հայաստան  |  Իրադարձություն



Բոլորիս հիշողության մեջ մշտավառ է Ամենայն հայոց որբերի հայրիկ Հովհաննես Թումանյանի ազգանվեր առաքելությունը Մեծ եղեռնի օրերին։  Նա Մարդ էր, որն հավատում էր իր ազգի կենսունակությանը և հարատևությանը՝ փրկելով հարյուրավոր հայ երեխաների կյանքը սովի և համաճարակի ճիրաններից։
 
Արդեն սրբադասված հայ նահատակների
համար դեռևս 1915 թ․ Թումանյանը գրեց «Հոգեհանգիստ» բանաստեղծությունը, մշտապես պահանջատերը եղավ արդար դատի։ 
 
«ԽՈՍՔ ՀՈԳԵՀԱՆԳՍՏՅԱՆ» հիշատակարանը ծնվեց  2020 թ․ ապրիլի 24-ին, երբ կորոնավիրուսային համավարակի պայմաններում ՀՀ-ում հայտարարված էր արտակարգ դրություն, իսկ Ցեղասպանության հուշահամալիր ավանդական այցը՝ արգելված։ 
Հովհ․ Թումանյանի թանգարանի նախաձեռնությամբ ստեղծվեց առցանց հարթակ, որտեղ աշխարհի տարբեր անկյուններից մարդիկ՝ հայ, թե օտարազգի,  իրենց
հոգու խոսքն էին գրում՝ ի հիշատակ ցեղասպանության սրբադասված նահատակներին։
105 ոգեկոչում՝ 105-րդ տարելիցին․․․
 
Նախաձեռնությունը՝ Հովհ․ Թումանյանի թանգարանի
Գրիչ-ծաղկող՝ Սուսան Կիրակոսյան
Կազմարար՝ Էլլա Հակոբյան
 
Հիշատակարանը ի պահ կտրվի Հայոց ցեղասպանության թանգարան-ինստիտուտին:
Արարողակարգը տեղի կունենա ապրիլի 23-ին ժամը 11:00-ին Հայոց ցեղասպանության թանգարան-ինստիտուտի ժամանակավոր ցուցադրությունների սրահում:
Նոյյան տապան   -   Իրադարձություն
Լուրեր Հայաստանից եւ Սփյուռքից

Կարդացել են 48 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար