Վոկալ երաժշտության համերգ՝ նվիրված Կոնսերվատորիայի 100-ամյակին
22-06-2021 19:00:00 | Հայաստան | Համերգ
Հունիսի 22-ին, ժամը 19։00-ին «Առնո Բաբաջանյան» համերգասրահում «Սիրեցէք զիրար, շատ սիրեցէք, որպեսզի ապրէք» խորագիրը կրող համերգային ծրագրով հանդես կգան Երևանի Կոմիտասի անվան պետական կոնսերվատորիայի ակադեմիական երգեցողության ամբիոնի շրջանավարտները։
Համերգը նվիրված է Կոնսերվատորիայի հիմնադրման 100-ամյակին։ Համերգի համար որպես խորագիր ընտրված են Կոմիտասի հանրահայտ խոսքերը։
Նշենք, որ Կոնսերվատորիայի առաքելություններից է հանրապետությունում բազմաճյուղ երաժշտական և մեթոդական ցանցի համակարգումը: Որպես Հայաստանի երաժշտական կյանքի և երաժշտական մշակույթի Մայր բուհ` կոնսերվատորիան ինքն էլ ամրանում և կատարելագործվում է` գտնելով ուսումնական գործընթացը ղեկավարելու և ստեղծագործաբար հարստացնելու նորանոր ձևեր: