Ճապոնիայի խորհրդարանի Ստորին պալատը չընդունեց կառավարությանն անվստահության քվե հայտնելու ընդդիմության առաջարկը: Այս մասին հայտնում է ,Ֆրանսպրեսե գործակալությունը: Ճապոնիայի վարչապետ Նաոտո Կանի կառավարությանը անվստահության քվե հայտնելու նախագծին կողմ են քվեարկել Ճապոնիայի Ներկայացուցիչների պալատի 152 անդամները, դեմ` 293–ը: Ավելի վաղ Ճապոնիայի ընդդիմադիր կուսակցությունները կառավարությանն անվստահության քվե հայտնելու նախագիծ էին ներկայացրել խորհրդարան: Այսօր ավելի վաղ Նաոտո Կանը ելույթ էր ունեցել եւ հայտարարել, թե պատրաստ է հրաժարական տալ, սակայն այն բանից հետո, երբ երկիրը հաղթահարի մարտի 11–ի ավերիչ երկրաշարժի հետեւանքները:

---