ԵՐԵՎԱՆ, 31 հունվ (ՆՈՅՅԱՆ ՏԱՊԱՆ-RL) «Ամբողջ աշխարհի հայերը պարտավոր են բոյկոտել «Ֆիլիպ Մորիսի» բոլոր տեսական արտադրանքները»,- գրում է Հարութ Սասունյանը ամերիկայ «Հայ կյանք» շաբաթաթերթի «Ֆիլիպ Մորիսը ընդդեմ հայերի» հոդվածում: Վկայակոչելով «Վաշինգտոն փոստ մըգազին» պարբերականում հրապարակված 1989-90թթ «Ֆիլիպ Մորիս» ծխախոտի ընկերության ստորագրությամբ բազմաթիվ նամակները, հեղինակը հայտնում է, որ երկու նամակ բացահայտում են այդ ընկերության եւ թուրքական կառավարության միջեւ կնքված գաղտնի համաձայնությունը` ձախողելու սենատոր Բ.Դոուլի կողմից Կոնգրեսին ներկայացված հայկական ցեղասպանությունը ընդունելու եւ դատապարտելու նախագիծը: Հեղինակը նշում է, որ այդ գաղտնի նամակները «Վաշինգտոն փոստին» է տրամադրել ծխելու դեմ պայքարող «Բժիշկները պետք է հոգան» կազմակերպության աշխատակիցները: Նամակների ամբողջական բովանդակությունը հրապարակելուց հետո շաբաթաթերթը եզրակացրել է. «Հաշվի առնելով «Ֆիլիպ Մորիսի» թշնամական վերաբերմունքը հայերի եւ հայկական ցեղասպանության նկատմամբ, ամբողջ աշխարհի հայերը պետք բոյկոտեն ընկերության բոլոր տեսակի արտադրանքները` Ֆիլիպ Մորիս, Մալբորո, Բոնդ եւ 5 այլ տեսակի սիգարետներ» - ասվում է հոդվածում: Թերթը նշում է. «Հայաստանի կառավարությունը պարտավոր է պաշտոնապես արգելել «Ֆիլիպ Մորիսի» արտադրանքների ներմուծումը, իսկ ընկերությունից պահանջել ներողություն խնդրել մեր զոհերի հիշատակը անարգելու համար»:

---