ԲԵՅՐՈՒԹ, 23 հունվարի (ՆՈՅՅԱՆ ՏԱՊԱՆ): Բեյրութի ֆոնդային բորսան, որ ժամանակին ամենախոշորն էր Մերձավոր արեւելքում, դարձյալ կբացի իր դռները եւ կսկսի սակարկությունները: Այս մասին հայտարարել է բորսայի նախագահ Գաբրիել Սինաուին: Բորսայի գործունեության սկզբնական փուլում նրա աշխատանքին կմասնակցեն բրոքերային 5 գրասենյակներ (մինչեւ քաղաքացիական պատերազմի պատճառով բորսայի փակումը 1983 թվականին, երկրում նման հաստատությունները 42-ն էին), հետագայում դրանց թիվը զգալիորեն կավելանա: Փորձագետների կարծիքով, 13-ամյա ընդմիջումից հետո Բեյրութի բորսայի գործունեության վերածնունդը Լիբանանում տնտեսական իրադրության կարգավորման ակնհայտ մի վկայություն է, կարեւոր փուլ 1975-1990 թթ. 16-ամյա քաղաքացիական պատերազմից հետո երկրի վերականգնման եւ վերակառուցման ճանապարհին:

---