ՄՈՍԿՎԱ, 22 հունվարի (ՆՈՅՅԱՆ ՏԱՊԱՆ): Ինչպես հայտնի դարձավ «Նոյյան տապան» գործակալությանը, Ռուսաստանի ժողովրդավարական ընտրության (ՌԺԸ) կուսակցության նախագահ Եգոր Գայդարը որոշել է դիմել Ռուսաստանի Նախագահ Բորիս Ելցինին` հունիսին կայանալիք նախագահական ընտրություններին իր թեկնածությունը չառաջադրելու խնդրանքով: Ե.Գայդարի կարծիքով, Ռուսաստանի ներկայիս նախագահի ազգանվան առկայությունը քվեաթերթիկում «սքանչելի նվեր կլինի կոմունիստներին»: Ինքը` Ե.Գայդարը, չի պատրաստվում իր թեկնածությունն առաջադրել, սակայն հայտարարել է, որ մտադրի է նախագահի միացյալ թեկնածուի առաջադրման հարցում դաշնակցել «Ռուսաստանը մեր տունն է» դաշինքի հետ: ՌԺԸ-ի առաջնորդը չի հրաժարվում նաեւ «ՅաԲԼոկո» շարժման հետ համագործակցությունից, եթե նրա ծրագրից դուրս բերվեն պոպուլիստական տնտեսական խոստումները, որոնց իրագործումը կհանգեցնի «տնտեսության մեջ դրամական զանգվածի ներարկման» եւ սղաճի մեծացման:

---