ԱԹԵՆՔ, հունվարի 19 (ՆՏ-AFP) Հունաստանի սոցիալիստական PASOK կուսակցությունը հինգշաբթի օրը երկրի նոր վարչապետ ընտրեց եվրոպամետ մոդեռնիստ Կոստաս Սիմիտիսին: Պաշտոնական տվյալների համաձայն, նա 86 ձայն հավաքելով հաղթել է 75 ձայն հավաքած Պապանդրեուի կողմնակից թեկնածու Ցոհաթզոպոուլոսին: 59-ամյա Սիմիտիսը, որը նախկինում արդյունաբերության նախարար է եղել, կողմնակից է Պապանդրեուի գործունեության հետ կապված անցյալի հետ կապերը խզելուն եւ նոր դարաշրջան է խոստանում իր ժողովրդին: Սիմիտիսը քննադատել է Պապանդրեուին այն բանի համար, որ վերջինս Հունաստանը ետ է քաշել Եվրամիությունից, որին միացել էր 1981 թվականին: Չորեքշաբթի օրը տեղի ունեցած մի դռնփակ հանդիպման ժամանակ Սիմիտիսը դիմել է կուսակցության կենտրոնական կոմիտեի անդամներին եւ «եվրոպական կողմնորոշում» է առաջարկել Հունաստանի` Եվրոպական Միության 15 անդամներից ամենաարեւելյան երկրի համար: ԱՄՆ-Ի նախագահ Բիլ Քլինտոնը շնորհավորել է նորընտիր վարչապետին: Սպիտակ Տան հայտարարության մեջ նշվում է, որ Հունաստանը եւ Միացյալ Նահանգները սերտ բարեկամներ ու դաշնակիցներ են: Միացյալ Նահանգները ակնկալում է բարեկամական հարաբերություններ պահպանել նաեւ նոր վարչապետ Կոստաս Սիմիտասի հետ:

---