Հրատարակվել է խորհրդարանական տերմինների և արտահայտությունների հայերեն-անգլերեն բառարան
13-07-2012 16:10:33 | Հայաստան | Նոր գրքեր
Օրերս լույս է տեսել խորհրդարանական տերմինների եւ արտահայտությունների հայերեն-անգլերեն բառարանը: Հայերեն տերմիններն ունեն նաեւ բացատրություն, այսինքն` բառարանը նաեւ բացատրական է: Ինչպես «Փաստինֆո» գործակալության թղթակցին հայտնեց գրքի հեղինակ` Ազգային ժողովի քարտուղարության պետ- աշխատակազմի ղեկավարի տեղակալ Թաթուլ Սողոմոնյանը, իրեն մեծապես աջակցել են խմբագրակազմը, թարգմանիչը, խմբագիրը:
Բառարանը հրատարակվել է միջազգային կառույցների` ԱՄՆ Զարգացման գործակալության, ֆինանսական աջակցությամբ: Այն վաճառքի համար նախատեսված չէ, տպաքանակը փոքր է:
Գիրքը նախատեսված է ուսանողների եւ ընդհանրապես խորհրդարանի գործունեությամբ զբաղվող ու հետաքրքրվող ցանկացած անձի համար: Ըստ Թ. Սողոմոնյանի, այս հրատարակությունը փորձնական է, պահանջարկի դեպքում բառարանը կվերահրատարակվի:
Նշենք, որ բառարանի շնորհանդեսը տեղի կունենա հուլիսի 15-ին «Երեւան» հյուրանոցում:
«Փաստինֆո» լրատվական գործակալություն