Օրերս «Դալան» ցուցասրահում տեղի է ունեցել Տիգրան Ասատրյանի թվով երրորդ անհատական ցուցահանդեսը, որը գործելու է մինչեւ 2013 թ. հունվարի 10-ը: Այս անգամ նկարիչը հանրության դատին է հանձնել 23 աշխատանք, որոնք նկարել է վերջին 2 տարում: Իսկ նրա առաջին եւ երկրորդ անհատական ցուցահանդեսը տեղի է ունեցել 1999 թվականին: Նա նկարել սկսել է դեռ վաղ հասակից եւ ուսանողական տարիներից մինչ այսօր հանրության դատին է հանձնել մոտ 150 աշխատանք, որոնք պարբերաբար ցուցադրվել են, մասնավորապես, Լիբանանում, Մոսկվայում, Կանադայում, Եգիպտոսում, ԱՄՆ-ում, Ռուսաստանում եւ Գերմանիայում: Իր համար որպես թալիսման է համարում «Գիշերային հյուրը» նկարը:
Նկարիչը ծնվել է 1968 թվականին Երևանում: Սովորել է Հ. Կոջոյանի անվան Արվեստի դպրոցում, ապա՝ Թերլեմեզյանի անվան ուսումնարանում, Երևանի պետական գեղարվեստի ակադեմիայում: 2009 թվականից Հայաստանի Նկարիչների Միության անդամ է: 1995-2003 թվականներին մասնակցել է բազմաթիվ խմբակային ցուցահանդեսների, ինչպես նաև ունեցել է մի շարք անհատական ցուցահանդեսներԵղել է «Իրատես նկարիչների միության անդամ:
ՆՏ. Նկարչության որ ոճերով եք նկարում:
Տիգրան Ասատրյան- Նկարում եմ նկարչության գրեթե բոլոր ոճերով: Բայց ավելի շատ ինձ գրավում է մարդ անհատն իր հոգեբանությամբ: Շատ ունեմ դիմանկարներ նկարած, մեծ ուշադրություն եմ դարձնում կոմպոզիցիոն աշխատանքներին:Թեման շատ բազմազան է եւ գրական պերսոնաժներ կան, օրինակ «Սանչո Պանսը», «Դոն Կիշոտը», «Տաթեւացի տատիկը»:
ՆՏ.Որքան ժամանակ է ձեզ անհրաժեշտ, որ հանրության դատին նոր նկար հանձնեք, եւ ինչպես եք ընդունում քննադատությունը:
Տիգրան Ասատրյան. Քննադատությանը վերաբերում եմ շատ նորմալ, եթե այն առողջ քննադատություն է: Քննադատությունից ես քաղում եմ ինձ համար կարեւորը եւ փորձում այն օգտագործել: Իսկ նոր նկարներ հանձնում եմ հանրության դատին այն ժամանակ, երբ զգում եմ, որ պատրաստ եմ, քանի որ դա ինքնաբերաբար է ծնվում ինձ մոտ:
ՆՏ- Այս 23 նկարներից, որ այս անգամ ցուցադրել եք, որ նկարն է ձեզ համար ավելի թանկ ու հոգեհարազատ:
Տիգրան Ասատրյան. Երեւի թե « Տաթեվացի տատիկ»-ը: Արվեստագետը յուրաքանչյուր իր աշխատանքում փորձում է իր փոքրիկ «ես»-ը դնել, եւ դա ասես թոքրիկ ծնունդ լինի: Յուրաքանչյուր նկար քեզ համար շատ թանկ է ու շատ հարազատ, չես կարող ասել որ այս նկարն ավելի լավն է քան նախորդը:
ՆՏ. Հեշտ եք բաժանվում ձեր նկարներից:
Տիգրան Ասատրյան. Եվ այո, եւ` ոչ: Ոչ՝ որովհետեւ քեզ հարազատ է, այո՝ որովհետեւ, եթե գնահատող կա քո աշխատանքը, դա էլ իր չափով է արվեստագետին ուրախացնում:
ՆՏ. Որտեղից արվեստի սիրահարները կարող են ձեռք բերել ձեր նկարները:
Տիգրան Ասատրյան. Իմ նկարները վաճառվում են հիմնականում այն վայրերում, որտեղ ցուցադրվում են: Իմ նկարները պարբերաբար ցուցադրվում են «Դալան» ցուցասրահում ոչ միայն անհատական ցուցահանդեսով, այլեւ արվեստանոցում: Ցուցադրվում են նաեւ Նյու Յորքում, Լիբանանում, Inter ART ցուցասրահում:
ՆՏ. Ինչպիսին են ձեր հետագա ծրագրերը:
Տիգրան Ասատրյան. Այսպես չեմ կարող ասել, քանզի ամեն օր էլ ծնվում են նոր մտահղացումներ, նոր կերպարներ, բայց թե երբ կլինի հաջորդ ցուցահանդեսը՝ դժվարանում եմ ասել: Նշեմ, որ իմ մուսան կյանքն է եւ ես օրվա ցանկացած պահին կարող է վրձին վերցնել եւ սկսել նկարել:
ՀԱՅԵՐԵՆ
Русский
English
Դաս. հայերեն
French
