ՀՀ ԱՆ ԴԱՀԿ ծառայությունն այսօր Ամանորի և Սուրբ ծննդյան տոներին ընդառաջ  երեխաների համար կազմակերպել էր  տոնական ուրախ միջոցառում: Մասնակիցները 4-12 տարեկան երեխաներն էին, որոնց ալիմենտի բռնագանձման և ծնողների հետ տեսակցությունների կազմակերպման հարցերով զբաղվում է Ծառայությունը։

Արդեն ավանդույթի վերածվող միջոցառումը կազմակերպվում է «Հեքիաթային տնակում», որը ԴԱՀԿ ծառայությունն ստեղծել է երեխաների տեսակցության կազմակերպման նպատակով: Ծառայությունում հյուրընկալված փոքրիկներին է ներկայացվել զվարթ շոու ծրագիր հեքիաթների հերոսների մասնակցությամբ, իսկ այնուհետ նրանք նվերներ են ստացել ԴԱՀԿ ծառայության կողմից: 

ՀՀ գլխավոր հարկադիր կատարողի օգնական, արդարադատության գնդապետ Լիաննա Սիմոնյանը շնորհավորել է երեխաներին գալիք տոների առթիվ և նշել. 

«Սիրելի' երեխաներ, հարգելի ծնողներ,

Ամանորի և Սուրբ Ծննդյան տոներին ընդառաջ այսօր մենք կրկին հանդիպել ենք Դատական ակտերի հարկադիր կատարման ծառայության «Հեքիաթային տնակում», և ուրախ եմ, որ մեր հանդիպումներն արդեն գեղեցիկ ավանդույթ են դառնում:  Թույլ տվեք Հայաստանի Հանրապետության գլխավոր հարկադիր կատարող, արդարադատության գեներալ-մայոր Միհրան Պողոսյանի անունից շնորհավորել ձեզ գալիք Նոր տարվա և Սուրբ Ծննդյան  տոների առթիվ, ցանկանալ՝ առողջություն, երջանկություն և անամպ երկինք: Թող գալիք տարին ձեզ համար լինի հաջողությունների և ձեռքբերումների տարի»:

Այնուհետև լրագրողների հետ ճեպազրույցում  ԴԱՀԿ անձնակազմի կառավարման բաժնի պետ, արդարադատության գնդապետ Գագիկ Ասատրյանը նշել է. 

«Այս միջոցառումն արդեն ավանդույթ է դարձել ԴԱՀԿ ծառայությունում, և անցկացվում է այն երեխաների համար, որոնք այս կամ այն հարցով կապված են ծառայության հետ։ Այս կերպ մենք փորձում ենք լուսավոր և ուրախ պահեր ստեղծել նրանց համար, քանի որ այս երեխաները արդեն իսկ ունեն ընտանեկան խնդիրներ։ Բացի այդ, այս միջոցառումն առիթ է հանդիսանում, որ հոգեբանական կապ ստեղծվի երեխաների և Ծառայության աշխատակիցների հետ, որպեսզի երեխաները, ի դեմս հարկադիր կատարողի, տեսնեն իրենց հենարանին, իրենց բարեկամին, այն մարդուն, ով կարող է նպաստել իրենց խնդիրների լուծմանը։ Եվ այս միջոցառումները տալիս են իրենց արդյունքները»:

Հիշեցնենք, որ Ծառայության՝ ալիմենտներին վերաբերող գործառույթներից են բռնագանձումները, տեսակցություններն ու երեխայի հանձնումը մի ծնողից մյուսին: 2013 թվականի վիճակագրության համաձայն՝ ընթացք է տրվել 1163 կատարողական վարույթի, որից 1051-ն ալիմենտի բռնագանձման /դրանից մարզային բաժիններում՝  655 ալիմենտի բռնագանձման վարույթ/, բռնագանձված գումարը ՝ 380 մլն 677 հազ. 966 ՀՀ դրամ  /որից մարզային բաժիններում՝  240 մլն 143 հազ. 633 ՀՀ դրամ/, 103-ը` երեխաների տեսակցության կազմակերպման /որից մարզային բաժիններում՝ 41 վարույթ/  և 9-ը` երեխաների հանձնման վարույթներ են /որից մարզային բաժիններում՝ 5 վարույթ/։ Ընդհանուր առմամբ, Հարկադիր կատարման ծառայությունը աշխատանք է տանում շուրջ 2600 երեխայի հետ:

 

 

Բաժանորդագրվեք մեզ / Subscribe us on:/ Подписывайтесь

 

➜ Patreon:    https://www.patreon.com/c/NoyanTapanTV

➜ YouTube 1: https://www.youtube.com/@NoyanTapanTV

➜ YouTube 2: https://www.youtube.com/@NoyanTapan  (in Russian)

➜ YouTube 3: https://www.youtube.com/@NoyanTapanLiveTV (Special Programs)

➜ Facebook:  https://www.facebook.com/NoyanTapanHolding

➜ Telegram:   https://t.me/NoyanTapanTV

➜ TikTok:       https://www.tiktok.com/@noyan.tapan.news.7 

➜ Website:    https://nt.am/

➜ Instagram: https://www.instagram.com/noyantapan3/

➜ HyeID:      https://hyeid.net/

 

#noyantapantv #noyantapan #ноянтапан #ноянтапантв  #ноянтапаннарусском #Арцах #карабах #armenia #НоянТапан #armenia4k #аналитика #armenianews #новостиармениисегодня  #Армения #karabakh  #политика #новости #интервью #армения #ереван #южныйкавказ #европа #сша #война #арцах #нагорныйкарабах  #news #analytics  #NoyanTapanTV #Temu#noyantapanshort  #short  #shorts #noyantapanreel #reel #reels #noyantapantvreel, #reelnoyantapan, #shortnoyantapan #shortԿարենՍարգսյան #reel #gayanearakelyan #tigranharutyunyan #maripetrosyan #elizazakharyan #vladimirpogosyan #short Владимир Погосян # Владимир Погосян #reel Владимир Погосян 

 

Noyan Tapan Media Holding («NT Holding»)

Isahakyan 28, Yerevan, 0009 Armenia

+374 55509050, +374 60351122, +1 818 967 5677 

e-mail contact@nt.am

Նոյյան տապան  -   ՆՈՐՄԱԼ ՉԷ