Համագյուղացիների օգնությամբ քիմիաթերապիայի մեկ կուրս ստացած 17-ամյա պատանուն ևս վեց կուրս է անհրաժեշտ /ՏԵՍԱՆՅՈՒԹ/
22-09-2015 14:02:36 | Շիրակի մարզ | Հասարակություն
Արթուր Գագիկի Հարությունյանը ծնվել է 1998 թվականին Շիրակի մարզում,այժմ պատանին գտնվում է Երևանում՝ Յոլյանի անվան արյունաբանական կենտրոնում: Տղայի մոտ ախտորոշվել է լիմֆոմա: Նախորդ տարի պատանին թևատակում նկատել է գոյացություն, անմիջապես դիմել է բժիշկներին, ովքեր ասել էին, որ գոյացությունը կապված է հասունացման տարիքի հետ:
Գոյացությունը սկսել է անհանգստացնել տղային, ծնողները նրան բերել են Երևան՝ հետազոտությունն անցկացնելու արյունաբանական կենտրոնում: Նշանակվել է քիմիաթերապիայի յոթանգամյա կուրս: Ամեն կուրսն արժե 3000 դոլարին համարժեք դրամ: Համագյուղացիների և հարազատների օգնությամբ գումարը հավաքվել է, և Արթուրն առաջին քիմիաթերապիան ստացել է, երկրորդը՝ նշանակվել է սեպտեմբերի 26-ին, սակայն անհրաժեշտ գումարն ընտանիքը չունի, և տղան դիմում է հանրության աջակցությանը: Կուրսն ավարտելու համար պակասում է 18 000 դոլար:
Արթուրի հոր՝ Գագիկ Ալբերտի Հարությունյանի անունով Արարատ բանկում բացվել են հաշվեհամարներ՝ 1510028126190100 ՀՀ դրամ, 1510028126190101 ԱՄՆ դոլար, 1510028126190149 ԵՎՐՈ, 1510028126190158 ՌԴ ռուբլի: SWIFT:ARMCAM22: