Լույս է տեսել «Քարոզգիրք» ժողովածուի առաջին հատորը
10-11-2015 14:46:55 | Արմավիրի մարզ | Նոր գրքեր
Մայր Աթոռ Սուրբ Էջմիածնի Հրատարակչական բաժինը, օրհնությամբ Ն.Ս.Օ.Տ.Տ. Գարեգին Բ Ծայրագույն Պատրիարք և Ամենայն Հայոց Կաթողիկոսի, լույս է ընծայել «Արարատի ժառանգությունը» շարքից «Քարոզգիրք (հեղինակային քարոզներ)» ժողովածուի առաջին հատորը:
Գիրքը 1868-1919 թթ. Մայր Աթոռ Սուրբ Էջմիածնի պաշտոնական պարբերականը հանդիսացող «Արարատ» ամսագրում հրատարակված հեղինակային քարոզների համահավաք ժողովածուն է` կազմված Հասմիկ Մելքոնյանի աշխատասիրությամբ:
Այն ընդգրկում է 143 քարոզներ` բաժանված թեմատիկ խմբերի` ազգային-եկեղեցական, կրոնական, բարոյագիտական բնույթի, ինչպես նաև հովվական կյանքի, աղոթքի, ընտանիքի և ամուսնության, հավատի ու սրբության մասին քարոզներ:
Քարոզգիրքը հրատարակվել է մեկենասությամբ «Սարգիս Գաբրիելյան» հիմնադրամի:
ՀԱՅԵՐԵՆ
Русский
English
Դաս. հայերեն
French
