Տասնյակ ընտանիքներ ձմռան վառելիքը հայթայթում են աղբանոցներից (Տեսանյութ)
27-01-2016 17:56:08 | Շիրակի մարզ | Բարեգործություն
Գյումրու վագոն-տնակներում և խարխուլ շինություններում հարյուրավոր ընտանիքներ և երեխաներ են բնակվում, ովքեր զրկված են կոմունալ-կենցաղային և հիգիենիկ տարրական պայմաններից:
Նրանցից շատերի ապրուստի միակ միջոցը սոցիալական նպաստն է, որը չի բավարարում անգամ ցամաք հացի համար: Աղքատ ընտանիքների վիճակը առավել ծանրանում է Շիրակի տարածաշրջանին յուրահատուկ ցուրտ ձմռան ամիսներին, երբ տասնյակ ընտանիքներ պարտադրված ձմռան վառելիք հայթայթում են աղբանոցներից: Նրանք վառարաններն են նետում ձեռքերն ընկած իրերը` պլաստիկ շշեր, թուղթ, հնամաշ շորեր և կոշիկներ, անվադողեր, ինչի պատճառով տնակային ավաններում ձմռան ամիսներին ծխնելույզներից թափվող ծխից կարելի է շնչահեղձ լինել: Բազմաթիվ անհատ հովանավորների և կազմակերպությունների աջակցությամբ, ժամանակավոր կացարններում պատսպարված անօթևան ընտանիքներին վառելափայտի բաժանման ամենամյա բարեգործական ձեռնարկը մի իսկական փրկօղակ է դարձել նրանց համար:
«Շիրակ կենտրոնը» այս ձմռանը ևս իրականացնում է «Ջերմություն անօթևան ընտանիքներին» ամենամյա բարեգործական ձեռնարկը:
Նվիրատվություններ կարող եք կատարել հետևյալ հաշվեհամարներից որևէ մեկին.