Ս. Հովհաննես եկեղեցու համայնքի անդամներն այցելեցին Երևանի թիվ 1 Տուն-ինտերնատ (տեսանյութ եւ ֆոտոշարք)
07-03-2016 00:31:42 | Հայաստան | Բարեգործություն
Երևանի Ս. Հովհաննես եկեղեցու համայնքը հոգևոր հովիվ Տ. Զգոն քահանա Աբրահամյանի գլխավորությամբ մարտի 6-ին այցելեցին Երևանի թիվ 1 Տուն-ինտերնատ հիվանդանոցի մասնաշենք (4-րդ գյուղի ծերանոց): Այցելուները նպատակ ունենալով քացրացնել հիվանդ ծերերի առօրյան՝ իրենց հետ բերել էին սնունդ, հագուստ եւ աղոթագրքեր:
<< Նոյյան Տապան >>-ի հետ զրույցում Երևանի Ս. Հովհաննես եկեղեցու հոգևոր հովիվ Տ. Զգոն քահանա Աբրահամյանը նշեց, որ այցելելով ու զրուցելով տարեցների հետ՝ իրենց քաղցր խոսքերով ու ջերմ բարեմաղթանքներով փորձում են թեթեւացնել նրանց վիճակը: Տեր Զգոն քահանան Մեծ պահքի շրջանում կարեւորեց բարեգործական նմանատիպ միջոցառումների հաճախակի կազմակերպումը: Քահանայի խոսքերվ, Մեծ պահքի շրջանում նրանք այցելել են «Մարի Իզմիրլյանի» անվան մանկատուն, որտեղ Ս. Հովհաննես եկեղեցու երիտասարդները շփվել են փոքրիկների հետ և մեկ օրորվ փոխել նրանց առօրյան: «Նոյյան Տապան»-ի թղթակցի հարցին, թե ինչով է պայմանավորված այս ծերանոցի ընտրությունը վերջինս նշեց, որ Երևանի թիվ 1 Տուն-ինտերնատ առաջին անգամ չէ, որ իրենք այցելում են, եւ ամեն անգամ գալով այս հաստատություն կազմակերպելով փոքրիկ համերգային ծրագիր փորձել են ինչ որ ձևով սատարել և աջակցել հիվանդ ծերերին: