Նոր տեսահոլովակ. ներկայացնում են փոքրիկ երգչուհիները
19-09-2016 13:53:57 | Հայաստան | Մանկական էջ
Մարիա և Մելիսա փոքրիկ երգչուհիները սեպտեմբերի 18-ին ընկերներին ու մտերիմներին հրավիրել էին երեւանյան ժամանցային վայրերից մեկը` մասնակցելու իրենց առաջին տեսահոլովակի շնորհանդեսին:
«Իմ քույրիկ» երգի խոսքերի եւ երաժշտության հեղինակը Ռուզաննա Մկրտչյանն է, տեսահոլովակի նկարահանումներն իրականացրել է Radar Production-ը, իսկ ռեժիսորը Վահան Կարապետյանն է: Տեսահոլովակի հերոսները հենց իրենք են և, կարելի է ասել, որ ներկայացնում են իրենց իսկ առօրյան:
Տաղանդավոր քույրիկներն երեկոյի ընթացքում բազում շնորհավորանքներ և ջերմ բարեմաղթանքներ ստացան, ինչպես նաև՝ հետաքրքիր և յուրօրինակ անակնկալներ: Մարիան և Մելիսան առաջին քայլերն են անում երգարվեստում և մտերիմները հավատով են, որ այդ քայլերը հաստատուն են:
Աղջիկները պատրաստ են և գիտեն, որ առջևում երկար պարապմունքներ են, հիասթափություններ և հաջողություններ, բայց, ինչպես երգում է ասվում, «Ձեռք ձեռքի մենք կանցնենք շատ երկար ուղի…»: Մնում է սպասել: Իսկ մինչ այդ՝ շնորհավորանքներ և միայն դրական խոսքեր: