ՀՀ բնապահպանության և ընդերքի տեսչական մարմինը հերթական իրազեկում հանդիպումն անցկացրեց Արմավիրի մարզի Էջմիածին քաղաքում
23-08-2019 14:11:38 | Հայաստան | Հասարակություն
ՀՀ բնապահպանության և ընդերքի տեսչական մարմինը հերթական իրազեկում հանդիպումն անցկացրեց Արմավիրի մարզի Էջմիածին քաղաքում։
Ս․թ․ օգոստոսի 21-ին կայացած հանդիպմանը մասնակցում էին Տեսչական մարմնի կառուցվածքային և տարածքային ստորաբաժանումների ղեկավարները, «Մյաս», «Մաքրուհի», «Սասունցի Դավիթ», «Հայր և որդի Բունիաթյաններ», «Ճանշինվարպետ», «Մեծամորի Բարեկարգում» և մի շարք այլ ընկերությունների, ինչպես նաև «Ձկնաբույծների միություն» ՀԿ-ի ներկայացուցիչներ և անհատ ձեռներեցներ։
Տեսչական մարմնի աշխատակիցների կողմից ներկայացվեց «Մթնոլորտային օդի պահպանության մասին», «Թափոնների մասին» ՀՀ օրենքների, ՀՀ ջրային օրենսգրքի, բնապահպանական հարկերի և բնօգտագործման վճարների հարկային հաշվարկների ներկայացման կարգի պահանջները։ Նաև քննարկվեցին տնտեսվարողներին հուզող հարցերն ու առաջարկությունները:
Տեսչական մարմնի աշխատակիցները տեղեկացրեցին, որ պատրաստ են իրենց լիազորությունների և պատրականությունների շրջանակներում օժանդակել և տրամադրել խորհրդատվություն՝ տնտեսվարող սուբյեկտների կողմից հնարավոր խախտումները կանխարգելելու նպատակով։
ՀԱՅԵՐԵՆ
Русский
English
Դաս. հայերեն
French
