Դմիտրի Մեդվեդևը շնորհավորական ուղերձ է հղել ՀՀ վարչապետ Նիկոլ Փաշինյանին
21-09-2019 13:41:20 | Հայաստան | Մամլո հաղորդագրություն
Ռուսաստանի վարչապետ Դմիտրի Մեդվեդևը շնորհավորել է Հայաստանի Հանրապետության վարչապետ Նիկոլ Փաշինյանին ՀՀ Անկախության օրվա առթիվ.
«Բարեկամական, գործընկերային և դաշնակցային ռուս-հայկական հարաբերությունները շարունակական զարգացում են ապրում տարբեր ուղղություններով: Վստահ եմ, որ առևտրա-տնտեսական և ներդրումային համագործակցության հետագա ամրապնդումը, էներգետիկ, արդյունաբերության, տրոնսպորտային ենթակառուցվածքների, գիտության և մշակույթի ոլորտներում համատեղ հեռանկարային նախագծերի առաջխաղացումը, Եվրասիական տնտեսական միությունում ինտեգրացիոն փոխգործակցության խորացումն ամբողջությամբ համապատասխանում են Ռուսաստանի Դաշնության և Հայաստանի շահերին»,- ասվում է Մեդվեդևի շնորհավորական ուղերձում:
Ավելի վաղ ՀՀ վարչապետ Փաշինյանին և նախագահ Արմեն Սարգսյանին շնորհավորական ուղերձներ էր հղել նաև ՌԴ նախագահ Վլադիմիր Պուտինը:
ՀԱՅԵՐԵՆ
Русский
English
Դաս. հայերեն
French
