«Թուրքիայի գործողությունները Սիրիայում սպառնում են տարածաշրջանի ապակայունացմանը». ՆԱՏՕ-ի գլխավոր քարտուղար
14-10-2019 18:22:55 | ԱՄՆ | Մամլո հաղորդագրություն
ՆԱՏՕ-ի գլխավոր քարտուղար Յենս Ստոլտենբերգը մտավախություն է հայտնել, որ Սիրիայի հյուսիսում Թուրքիայի ռազմական գործողությունները կարող են ապակայունացնել ողջ տարածաշրջանը: Այս մասին նա հայտարարել է՝ ելույթ ունենալով Լոնդոնում ՆԱՏՕ-ի խորհրդարանական վեհաժողովի 65-րդ նստաշրջանում: «Ուրբաթ Ստամբուլում հանդիպեցի նախագահ Էրդողանի, արտաքին գործերի նախարար Չավուշօղլուի և պաշտպանության նախարար Աքարի հետ: Ես նրանց հայտնեցի իմ անհանգստությունն ընթացիկ գործողությունների, տարածաշրջանում ապակայունացման, լարվածության աճի և մարդկանց տառապանքների ավելացման վերաբերյալ»,- ասել է ՆԱՏՕ-ի գլխավոր քարտուղարը:
«Ակնկալում եմ, որ Թուրքիան կգործի զսպվածությամբ և այլ դաշնակիցների հետ համաձայնեցված, որպեսզի կարողանանք ապահովել ձեռքբերումները՝ մեր ընդհանուր թշնամու դեմ պայքարում»,- հավելել է Ստոլտենբերգը:
ՀԱՅԵՐԵՆ
Русский
English
Դաս. հայերեն
French
