Ալիևը ստորագրել է խորհրդարանի արձակման մասին հրամանագիրը. հայտնի է ընտրությունների անցկացման օրը

05-12-2019 17:33:03   | Հայաստան  |  Մամլո հաղորդագրություն
Ադրբեջանի նախագահ Իլհամ Ալիևը քիչ առաջ ստորագրել է խորհրդարանի արձակման և արտահերթ ընտրությունների նշանակման մասին հրամանագիրը։
 


Ըստ հրամանագրի խորհրդարանի արտահերթ ընտրությունների անցկացման օր է
նշանակվել  2020թ. փետրվարի 9-ը։
 
Նշենք, որ նոյեմբերի 28-ին Ադրբեջանում տեղի է ունեցել իշխող «Նոր Ադրբեջան» («Ենի Ազերբայջան») կուսակցության քաղաքական խորհրդի արտահերթ նիստը, որի ընթացքում որոշում է ընդունվել ցրել խորհրդարանը: Որոշումը բացատրվել է նրանով, որ Միլլի մեջլիսի կազմը չի համապատասխանում պետության ղեկավարի վարած քաղաքականությանը, և փաստացի չի մասնակցում երկրում իրականացվող բարեփոխումներին: Օրեր առաջ Միլլի Մեջլիսը որոշել է դիմել Ադրբեջանի նախագահ Իլհամ Ալիևին՝ խորհրդարանի արձակման և արտահերթ ընտրությունների նշանակման հարցով: Նախագիծը դրվել էր քվեարկության և ընդունվել ձայների մեծամասնությամբ:
 
Ադրբեջանում խորհրդարանը ընտրվում է 5 տարի ժամկետով: Վերջին խորհրդարանական ընտրությունն անցկացվել էր 2015թ նոյեմբերի 1-ին: Հաջորդ ընտրությունը պետք է տեղի ունենար 2020թ. նոյեմբերին:
 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 1046 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար