Վարչապետն այցելել է Ծիծեռնակաբերդ՝ Ցեղասպանության հանցագործության զոհերի հիշատակի և կանխարգելման միջազգային օրվա կապակցությամբ

09-12-2019 12:12:59   | Հայաստան  |  Մամլո հաղորդագրություն
 

 
Վարչապետ Նիկոլ Փաշինյանն այսօր՝ Ցեղասպանության հանցագործության զոհերի հիշատակի և արժանապատվության, և այդ հանցագործության կանխարգելման միջազգային օրվա կապակցությամբ, Հանրապետության նախագահ Արմեն Սարգսյանի, Ազգային ժողովի նախագահ Արարատ Միրզոյանի և արտաքին գործերի նախարար Զոհրաբ Մնացականյանի հետ այցելել է Ծիծեռնակաբերդի հուշահամալիր։ 
 
Վարչապետը ծաղիկներ է խոնարհել Ծիծեռնակաբերդի հուշահամալիրում՝ Հայոց ցեղասպանության անմեղ զոհերի հիշատակը
հավերժացնող անմար կրակի հուշարձանին և հարգանքի տուրք մատուցել նրանց հիշատակին։
 
 
***
Միջազգային հանրությունը դեկտեմբերի 9-ին հիշատակում է Ցեղասպանության հանցագործության զոհերի հիշատակի և արժանապատվության, և այդ հանցագործության կանխարգելման միջազգային օրը։ 1948թ. դեկտեմբերի 9-ին ՄԱԿ-ն ընդունել է «Ցեղասպանության հանցագործության կանխարգելման և պատժի մասին» կոնվենցիան, 2015 թ. սեպտեմբերի 11-ին ՄԱԿ-ի Գլխավոր ասամբլեան ընդունել է 69/323 բանաձևը՝ դեկտեմբերի 9-ը հռչակելով Ցեղասպանության հանցագործության զոհերի հիշատակի և արժանապատվության, և այդ հանցագործության կանխարգելման միջազգային օր։ Բանաձևը ներկայացվել է ՄԱԿ-ում Հայաստանի մշտական ներկայացուցչության կողմից, ընդունվել է միաձայն և արժանացել ավելի քան 80 անդամ-պետությունների աջակցությանը։ Այն խրախուսում է միջազգային հանրությանը՝ «Ցեղասպանության հանցագործության կանխարգելման և պատժի մասին» կոնվենցիայի վերաբերյալ իրազեկվածությունը բարձրացնելու և ցեղասպանության հանցագործության զոհերի հիշատակը հարգելու համար:
 
Նոյյան տապան   -   Մամլո հաղորդագրություն
Լուրեր Հայաստանից եւ Սփյուռքից

Կարդացել են 488 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար