Չինական մշակույթի կենտրոն է բացվել Մանկավարժական համալսարանում
11-12-2019 14:58:18 | Հայաստան | Հասարակություն
Մանկավարժական համալսարանում չինական մշակույթի կենտրոն է բացվել:
Այն վերջին տարիներին Խաչատուր Աբովյանի անվան հայկական պետական մանկավարժական համալսարանի (ՀՊՄՀ) և Չինաստանի մի շարք ԲՈՒՀ-երի միջև համագործակցության արդյունք է:
Ինչպես տեղեկացրել է ՀՊՄՀ ռեկտոր Ռուբեն Միրզախանյանը, համալսարանը համագործակցում է Չինաստանի հարավ-արևմտյան հատվածում գտնվող Չունցինի համալսարանի, Տյանցզինի և Նանկինի մանկավարժական համալսարանների հետ:
Նրա խոսքերով՝ ներկայումս չինարենը որպես երկրորդ օտար լեզու ուսումնասիրվում է մանկավարժական համալսարանի օտար լեզուների ֆակուլտետում և նույն հաստատության հիմնական դպրոցում:
ՀՀ-ում Չինաստանի ժողովրդական Հանրապետության արտակարգ և լիազոր դեսպան Թիան Էրլունգը կարևորել է նման կենտրոնի բացումը չինարեն մշակույթն ավելի լավ ճանաչելու տեսանկյունից:
Նա, մասնավորապես, նշել է.
«Նմանատիպ կենտրոնների բացումը կնպաստի նրան, որ հայերն ավելի լավ ճանաչեն չինական մշակույթն ու ավանդույթները, նույնն էլ անհրաժեշտ է իրականացնել մեր երկրում՝ Չինաստանում: Մեր երկրների միջև եղած հարաբերությունները շատ ակտիվ են զարգանում են»:
ՀԱՅԵՐԵՆ
Русский
English
Դաս. հայերեն
French
