Wizz Air-ը Գյումրիի «Շիրակ» օդանավակայանից չվերթներ կիրականացնի դեպի Լոնդոն և Փարիզ
14-12-2019 10:15:59 | Հայաստան | Մամլո հաղորդագրություն
Հունգարական Wizz Air բյուջետային ավիաընկերությունը ուղիղ թռիչքներ կիրականացնի Հայաստանի երկրորդ քաղաքի՝ Գյումրիի «Շիրակ» օդանավակայանից: Տոմսի արժեքը լինելու է ցածր: Այս մասին գրում է RUSARMINFO- ն:
Թռիչքները կիրականացվեն 2020 թվականի հունվարից:
Wizz Air -ը հունգարական բյուջետային ավիաընկերություն է, եվրոպական ամենատարածված փոխադրողներից մեկը: Հիմնական գործունեությունը Կենտրոնական Եվրոպայում ներքին և միջազգային թռիչքների սպասարկումն է:
Ըստ աղբյուրի, «Զվարթնոց» միջազգային օդանավակայանի մամուլի քարտուղար Սաթենիկ Հովհաննիսյանը տեղեկացրել է, որ դեկտեմբերի 16-ին Երևանում կայանալիք մամուլի ասուլիսի ժամանակ Հայաստանի ավիափոխադրումների շուկա մուտք գործող նոր լոուքոստերի մասին կպատմի կորպորատիվ համագործակցության ղեկավար Անդրա Ռադոնը:
Ավելի վաղ RUSARMINFO- ն հաղորդել էր, որ ՀՀ կառավարությանն առընթեր քաղաքացիական ավիացիայի կոմիտեի ղեկավար Տաթևիկ Ռևազյանը հայտարարել է, որ շարունակում է բանակցություններ վարել հունգարական բյուջետային Wizz Air- ի հետ:
ՀԱՅԵՐԵՆ
Русский
English
Դաս. հայերեն
French
