Նիկոլ Փաշինյանը ձնագնդիկ է նետել լրագրողների ուղղությամբ. այս պահին նա հանդիպում է «Իմ քայլը» խմբակցության անդամների հետ

17-01-2020 12:30:41   | Հայաստան  |  Ի՞նչ է գրում մամուլը
ՀԺ  «Քաղաքացիական պայմանագիր» կուսակցության՝ Սայաթ-Նովա փողոցում գտնվող գրասենյակում ՀՀ վարչապետ Նիկոլ Փաշինյանն այս պահին հանդիպում է ԱԺ «Իմ քայլը» խմբակցության պատգամավորների հետ:
 


Ժամանելով գրասենյակ՝ նա ձնագնդիկով հարվածեց լրագրողներին եւ ի պատասխան հարցի՝ ինչ հարցեր են քննարկվելու՝ ասաց. «Սովորական»: Թե որն է հանդիպման նպատակը, չի հայտարարվել:
 
ՀՀ վարչապետը երեկ հանդիպել էր նաեւ Երեւանու ավագանու
«Իմ քայլը» դաշինքի անդամների հետ: Իր հերթին «Իմ քայլը» խմբակցության պատգամավորների հետ հանդիպել էր նաեւ ՀՀ արտաքին գործերի նախարար Զոհրապ Մնացականյանը:
 
Շուրջ 2 ժամ տեւած հանդիպումից հետո «Իմ քայլը» խմբակցության ղեկավար Լիլիթ Մակունցը հայտարարել էր, որ հանդիպման ընթացքում փորձել են հասկանալ՝ ինչպես առավել արդյունավետ օգտագործել խորհրդարանական դիվանագիտության հարթակները, եւ իրենց գործողությունները համադրելի դարձնել նախարարության հետ։
 
Մակունցը հայտնել էր նաեւ, որ առաջիկայում հանդիպում են նախատեսում ոստիկանապետի պաշտոնակատարի հետ։
Նոյյան տապան   -   Ի՞նչ է գրում մամուլը
Լուրեր Հայաստանից եւ Սփյուռքից

Կարդացել են 513 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար