Խնդրում և պահանջում եմ ՀՀ վարչապետին՝ Արցախի բնապահպանական խնդիրները վերցնել անձնական հսկողության ներքո
21-01-2020 13:12:26 | Հայաստան | Հասարակություն
Հարգելի Նիկոլ Փաշինյան և պետական համակարգի այլ հարգելի աշխատակիցներ՝
Թեւան Պողոսյան
Էրիկ Գրիգորյան
Վարազդատ Կարապետյան
Սոֆյա Հովսեփյան
Լենա Նազարյան
Մարի Գալստյան
Կարծում եմ բոլորիցս լավ գիտեք Արցախում ծառացած բնապահպանական խնդիրների մասին։
Խնդրում և պահանջում եմ հետևողոկան լինել և գտնել այնպիսի մեխանիզմներ, որոնք թույլ կտան Հայաստանի Հանրապետության բնապահպանական օրենքներն ու չափորոշիչները կիրառվեն և վերահսկվեն նաև Արցախում։
Մասնավորապես՝
1․ Ջրօգտագործման հետ կապված չափորոշիչները և փոքր ՀԷԿ-երին առընչվող սահմանափակումները։
2․ Անտառահատումների և փայտանյութի արտահանման հետ կապված արգելքները։
3․ Մետաղական հանքերի վերահսկումը և նորերի լիցենզիաների տրամադրման ժամանակավոր դադարեցումը և այլն։
Արցախը Հայաստան է, և պետք է հենց այդպես էլ վերաբերվել նաև օրենսդրական և վերահսկման դաշտում։ Խնդրում և պահանջում եմ ՀՀ վարչապետ Նիկոլ Փաշինյանից, իր իսկ կողմից վերահնչեցրած <<Արցախը Հայաստան է>> գաղափարին տեր կանգնել և վերոնշյալ խնդիրները վերցնել իր անձնական հսկողության ներքո։
Հ,Գ․ ՀՀ նախագահ Արմեն Սարգսյանին ևս հորդորում եմ ուշադրության կենտրոնում պահել այս խնդիրը և ամեն ինչ անել Հայաստանի՝ ներառյալ Արցախը, բնապահպանական խնդիրների առավելագույնս նվազեցման գործում։
ՀԱՅԵՐԵՆ
Русский
English
Դաս. հայերեն
French
