Նոր մանրամասներ՝ Երևանում տեղի ունեցած «կասկադյորական» վթարից

21-01-2020 14:59:42   | Հայաստան  |  Ի՞նչ է գրում մամուլը

SHAMSHYAN.com-ի տեղեկություններով՝ ճանապարհային ոստիկանության 1-ին սպայական գումարտակի ավագ տեսուչ Արամ Դադոյանի կողմից դեպքի վայրում նյութերի նախապատրաստման ընթացքում պարզվել է, որ Երևանում հունվարի 9-ին «կասկադյորական» ավտովթարի հետևանքով վնասվել է նաև Opel մակնիշի ավտոմեքենա։ Ինչպես հայտնում է ֆոտոլրագրող Գագիկ Շամշյանը, պարզվել է նաև, որ BMW-ն վարել է Երևան քաղաքի Նոր Նորք վարչական շրջանի 7-րդ զանգվածի բնակիչ՝ 27-ամյա Խաչիկ Սարգսյանը, իսկ վնասված Opel-ը վարել է Երևանի բնակիչ՝ 25-ամյա Վաչագան Սողոմոնյանը։

Նյութերի նախապատրաստման ընթացքում վարորդները ենթարկվել են սթափության փորձաքննության. պարզվել է, որ նրանք եղել են սթափ։ BMW-ի վարորդն էլ ընդունել է իր մեղավորությունը։ Ինչպես ավելի վաղ դեպքի վայրից հայտնել էր ֆոտոլրագրողը, հունվարի 9-ին կասկադյորական ավտովթար էր տեղի ունեցել Երևանում։ Ժամը 15։40-ի սահմաններում BMW մակնիշի 68 XX 796 համարանիշի ավտոմեքենայի վարորդը Արշակունյաց պողոտա-Գարեգին Նժդեհ փողոցի խաչմերուկում դեռևս անհայտ հանգամանքներում դուրս էր եկել ճանապարհի երթևեկելի գոտուց, բախվել ճանապարհը բաժանող բետոնե արգելապատնեշին։ Ըստ նախնական տեղեկությունների՝ վթարի հետևանքով տուժածներ չկային։ Վթարի մասին Երևանի ճանապարհային ոստիկանության օպերատիվ կառավարման կենտրոնի պատասխանատու հերթապահ Հակոբ Մաշչյանը տեղեկությունը փոխանցել էր ճանապարհային ոստիկանության 1-ին սպայական գումարտակի 7-րդ դասակ, որտեղից ժամանել էին ավագ տեսուչ Արամ Դադոյանն ու տեսուչ Վարդան Վարդանյանը։

Ծանուցում. Ենթադրյալ հանցանքի մեջ կասկածվողը կամ մեղադրվողը համարվում է անմեղ, քանի դեռ նրա մեղավորությունն ապացուցված չէ ՀՀ քրեական դատավարության օրենսգրքով սահմանված կարգով` դատարանի` օրինական ուժի մեջ մտած դատավճռով:

Լուսանկարները և տեսանյութերը՝ Գագիկ Շամշյանի

 

 

 

 

 


Նոյյան տապան   -   Ի՞նչ է գրում մամուլը
Լուրեր Հայաստանից եւ Սփյուռքից

Կարդացել են 243 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար