Խստորեն դատապարտում եմ դատավորի նկատմամամբ տեղի ունեցած նման անթույլատրելի ոտնձգությունը. Արման Բաբաջանյան
22-01-2020 14:27:11 | Հայաստան | Հասարակություն
Ազգային ժողովի անկախ պատգամավոր Արման Բաբաջանյանն իր ֆեյսբուքյան էջում գրել է.
«Երեկ Երևանի ընդհանուր իրավասության դատարանի Կենտրոն և Նորք-Մարաշ վարչական շրջանների դատարանի դատավոր Տաթևիկ Գրիգորյանի աշխատասենյակի պատուհանին կրակոց է արձակվել, ինչի առթիվ դատավորը դիմել Ոստիկանությանը: Դպքի վայր մեկնած ոստիակնները աշխատասենյակի ապակիների արանքում հայտնաբերել են կրակված գնդակ: Նշանակվել են դատաձգաբանական և դատաքիմիական փորձաքննություններ:
Խստորեն դատապարտում եմ դատավորի նկատմամամբ տեղի ունեցած նման անթույլատրելի ոտնձգությունը: Իրավապահ մարմինները պարտավոր են բացահայտել կատարվածը, դրա բոլոր դրդապատճառներն ու շարժառիթները և հանցագործին կամ հանցագործներին ենթակել խստագույն պատասխանատվության:
Սա ոտնձգություն է ոչ միայն ու ոչ այնքան առանձն վերցրած դատավորի, որքան Հայաստանի դատական համակարգի, արդարադատության գաղափարի նկատմամբ ընհնարապես: Պետությունը պարտավոր է խստագույն քրեաիրավական գնահատական տալ տեղի ունեցածին՝ ուղերձ հղելով առ այն, որ դատական համակարգն ամբողջության մեջ և դատավորները անհատապես գտնվում են պետության պաշտպանության ներքո:
Որպես Ազգային Ժողովի պատգամավոր հետամուտ լինելու կատարված հանցագործության լիրարժեք բացահայտմանը ու դրա հեղինակներին պատասխանատվության կանչելուն:
Հայաստանին օդ ու ջրի պես անհրաժեշտ է անկախ դատական համակարգ: Սակայն դատական համակարգը չի կարող անկախ և անկաշկանդ գործել, եթե ապահովված չեն դատավորների տարրական ֆիզիկական անվտնագության պայմանները»:
ՀԱՅԵՐԵՆ
Русский
English
Դաս. հայերեն
French
