ԼՀԿ-ն դատի է տվել Լեւոն Զուրաբյանին

27-02-2020 13:52:37   | Հայաստան  |  Ի՞նչ է գրում մամուլը
«Լուսավոր Հայաստան» կուսակցությունը եւ կուսակցության անդամ Դավիթ Խաժակյանը դատի են տվել «Հայ ազգային կոնգրես» կուսակցության փոխնախագահ Լեւոն Զուրաբյանին: Այս մասին տեղեկանում ենք Դատական տեղեկատվական համակարգից:
 


Որպես պահանջ՝ նշված է՝ «պատվի, արժանապատվության եւ գործարար համբավի պաշտպանություն»: Գործը մակագրվել է Երեւան քաղաքի ընդհանուր իրավասության դատարանի դատավոր Լիլիթ Սարգսյանին: Հայցադիմումը դեռ վարույթ չի ընդունվել:
 
Դավիթ Խաժակյանը, ՀԺ-ի հետ զրույցում անդրադառնալով հարցին,
թե ինչու են դատի տվել Զուրաբյանին, ասաց. «Զուրաբյանը մոտ 1 ամիս առաջ հարցազրույց էր տվել «Առաջին լրատվական»-ին եւ խոսելով ԼՀԿ-ի մասին՝ ասել, թե կուսակցության հիմնադիրներն այլ մարդիկ են, եւ ԼՀԿ-ն օլիգարխի՝ Միքայել Մինասյանի պրոյեկտն է: Ես, որպես կուսակցության հիմնադիր-անդամ, գտնում եմ, որ սա զրպարտություն եւ վիրավորական արտահայտություն է»: Նա նշեց, որ Զուրաբյանից պահանջում են միայն հերքել այդ հայտարարությունը:
 
«Ջանը սաղ լինի»,- ՀԺ-ի հետ զրույցում այսպես արձագանքեց Զուրաբյանը՝ տեղեկանալով իր դեմ ներկայացված հայցի մասին:
Նոյյան տապան   -   Ի՞նչ է գրում մամուլը
Լուրեր Հայաստանից եւ Սփյուռքից

Կարդացել են 272 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար