Ucom-ը կիսվում է կիբերհիգիենայի և կիբերանվտանգության փորձով

12-03-2020 17:23:24   | Հայաստան  |  Գիտական Հայաստան
 


 
Ucom ընկերության աշխատակիցները շարունակում են կիսվել գիտելիքով ու փորձով Հայաստանի ավագ դպրոցների աշակերտների, նրանց ուսուցիչների, ուսանողների և դասախոսների հետ։ Մարտի 11-ին կայացած «Կիբերանվտանգ Հայաստան» տեղեկատվական արշավին մասնակցել են Հայաստանի ողջ տարածքից Երևան ժամանած շուրջ 123 հոգի։ 
 
Հաշվի առնելով կիբերանվտանգության ապահովման կարևորությունը, երիտասարդ օգտատերերի աճին զուգընթաց նաև կիբեռհանցագործությունների աճը՝ բանախոսները խոսել
են կիբերհիգիենայի, կիբերբուլինգի, կիբերթրաֆիկինգի և առհասարակ դրական թվային հետքի մասին։ 
  
«Ucom-ի աշխատակիցները մշտապես պատրաստ են իրենց գործնական փորձով ու առկա գիտելիքով կիսվել դրա անհրաժեշտությունն ունեցող և կիբերտարածության մեջ առավել խոցելի խմբերի հետ։ Տարիներ շարունակ մենք հետևողաբար կրթում ենք հատկապես աշակերտներին և մշտապես պատրաստ ենք միանալ կիբերանվտանգության ոլորտում հասարակության տեղեկատվածության մակարդակի բարձրացմանն ուղղված ջանքերին», - նշել է Ucom ընկերության համահիմնադիր եւ գլխավոր տնօրեն Հայկ Եսայանը։
 
Ucom ընկերության անունից «Կիբերանվտանգ Հայաստան» միջոցառման ընթացքում կայացած համաժողով-քննարկմանը մասնակցել է Տեղեկատվական անվտանգության բաժնի ղեկավար Կարեն Գասպարյանը։ Խոսնակների թվում էին նաև կիբեռանավտանգության մասնագետ, միջոցառման կազմակերպիչ Անահիտ Պարզյանը, ԿԳՄՍ նախարարի տեղակալ Ժաննա Անդրեասյանը, ԱՆ Անձնական տվյալների պաշտպանության գործակալության պետ  Գևորգ Հայրապետյանը և այլք։ Քննարկմանը հաջորդել է կիբեռանվտանգության կանոնների վերաբերյալ դասընթացը։
  
 
Նոյյան տապան   -   Գիտական Հայաստան
Լուրեր Հայաստանից եւ Սփյուռքից

Կարդացել են 5768 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար