ՀՀ ԶՈՒ-ում այս պահին չկան նոր մեկուսացվածներ, իսկ արդեն իսկ մեկուսացվածների առողջական վիճակը գերազանց է. ՊՆ խոսնակ
28-03-2020 16:27:41 | Հայաստան | Հասարակություն
ՀՀ Զինված ուժերում այս պահի դրությամբ չկան նոր մեկուսացվածներ, իսկ արդեն իսկ մեկուսացվածների առողջական վիճակը գերազանց է:
Այս մասին ֆեյսբուքի իր էջի ուղիղ եթերում հայտնեց ՀՀ պաշտպանության նախարարության մամուլի խոսնակ Շուշան Ստեփանյանը:
Ըստ նրա՝ նախարարությունը շարունակում է հակամաճարակային խիստ միջոցառումներ ձեռնարկել կորոնավիրուսի հնարավոր ներթափանցումը և տարածումը Զինված ուժերում կանխելու համար:
«Ինչպես գիտեք, մեր զինծառայողների առողջական վիճակը լավ է, չորս զինծառայող գտնվում է շատ լավ առողջական վիճակում՝ չունեն ջերմություն, կորոնավիրուսի ոչ մի ախտանշան, իսկ մեկ զինծառայողի մոտ թույլ արտահայտված ջերմություն է: Այսօր լավ լուրեր ունենք, չունենք նոր նմուշառումներ, նոր մեկուսացվածներ, իսկ մեկուսացվածների առողջական վիճակը գերազանց է, տրամադրությունը՝ բարձր»,- տեղեկացրեց Շ. Ստեփանյանը:
ՀԱՅԵՐԵՆ
Русский
English
Դաս. հայերեն
French
