Հետաձգեք մարտի 31-ին կայանալիք ընտրությունները. մի արեք այն, ինչ արեցին ֆրանսիացիները

28-03-2020 16:42:51   | Հայաստան  |  Հարցազրույցներ
Լրագրի  զրուցակիցն է քաղաքագետ, Փարիզի քաղաքագիտության կենտրոնի փորձագետ Կայծ Մինասյանը
 


-Պարոն Մինասյան, ի՞նչ է տեղի ունենում Ֆրանսիայում, կորոնավիրուսի դեմ մղկող պայքարը այդտեղ ինչպե՞ս եք գնահատում:
 
-Կառավարությունը պայքարում է կորոնավիրուսի տարածման դեմ: Մի կողմից «պատերազմ» է հայտարարում, մյուս կողմից, մեղմ ասած, դանդաղ են աշխատում: Հիվանդանոցները լիքն են, և սպասում ենք պիկին: Վախն ու մտահոգությունը մեծ է:
 
-Մենք տեսնում ենք, որ Իտալիայում, Իսպանիայում, Ֆրանսիայում և ԱՄՆ-ում է ահագնանում վարակը: Ի՞նչ կորուստներ է կրում Ֆրանսիան:
 
-Ամեն օր վատ թվեր են տարածվում: Շուտով
իրավիճակն էլ ավելի է դժվարանալու:
 
-Կա՞ արդյոք տագնապ, անորոշություն Եվրոպայում: Ընդհանրապես, արտակարգ դրությանն ինչպե՞ս են արձագանքում մարդիկ, որքանո՞վ են հետևում սահմանված կանոններին:
 
-Անշուշտ կա. ո՞ւր է եվրոպական զորակցությունը: Ամեն պետություն իր մասին է մտածում, բայց կորոնավիրուսը սահմաններ չի ճանաչում:
 
-Եվրոպայում կա՞ արդյոք պատկերացում, թե երբ է լինելու հիվանդության պիկը, որից հետո կսկսի անկումը: 
 
-Ֆրանսիայում համաճարակի պիկին սպասում ենք հաջորդ շաբաթ կամ ապրիլի սկզբին
 
-Կա տեսակետ, որ կորոնավիրուսի հետ կապված իրավիճակը ցույց տվեց, որ աշխարհում գլուխ բարձրացրած պոպուլիզմը ձախողվել է և այժմ առավել պրագմատիկ գործիչների պահանաջարկ է առաջացել: Կիսո՞ւմ եք այս մոտեցումը:
 
-Վաղ է դասեր քաղել. առաջնահերթը վիրուսի դեմ պայքարն է։ Թույլ տվեք առիթն օգտագործելով մեսիջ ուղարկել Հայաստանի և Արցախի իշխանություններին՝ հետաձգեք մարտի 31-ին կայանալիք ընտրությունները:
Հայ ժողովուրդ, մի արեք այն, ինչ արեցին ֆրանսիացիները՝ կազմակերպելով տեղական ընտրությունների առաջին փուլը: Հայերը ապահովության և անվտանգության կարիք ունեն: Չավելացնենք ներքին սպառնալիքը վախի վրա: Հետաձգենք և սպասենք: Հայաստանն ու Արցախը Ֆրանսիա չեն, հայրենիքը պատերազմական վիճակի մեջ է, ոչ Ֆրանսիան։
 
ՍԻՐԱՆՈՒՅՇ ՊԱՊՅԱՆ
Հարցազրուցավար
 
 
 
 
 
 
Նոյյան տապան   -   Հարցազրույցներ
Լուրեր Հայաստանից եւ Սփյուռքից

Կարդացել են 582 անգամ
Noyan Tapan - Նոյյան տապան
Facebook Group · 3 365 անդամ
Միանալ խմբին
Միացեք մեր «Ֆեյսբուքյան» խմբին՝ մեր հաղորդումները քննարկելու եւ բանախոսներին հարցեր ուղղելու համար



Բաժանորդագրվեք «Նոյյան Տապան»-ի մեր էջերին«Յութուբում», «Ֆեյսբուքում» Եւ «Թվիթերում»` մեր հաղորդումներն անվճար դիտելու համար