30-03-2020 16:59:38 | Իսպանիա | Ի՞նչ է գրում մամուլը
Մադրիդի ինքնավար համայնքի ղեկավար Իսաբել Դիաս Այուսոյի հրամանագրով Մադրիդում մարտի 30-ից պաշտոնապես սուգ է հայտարարվում կորոնավիրուսից մահացածների հիշատակին: Այս մասին տեղեկացնում է Իսպանիայում Հայաստանի դեսպանությունը:
«Կխոնարհվեն պետական հաստատությունների վրա տեղադրված Մադրիդ համայնքի դրոշները, ամեն օր ժամը 12.00-ին բնակիչները մեկ րոպե լռությամբ կհարգեն զոհերի հիշատակը։ Մադրիդում կորոնավիրուսից մահացածների թիվը հասել է 3082-ի»,-նշում է դեսպանությունը:
Իսպանիայում կորոնավիրուսից վարակվածների ընդհանու թիվը 85 հազար 195 է: Կորոնավիրուսի հետևանքով մահացել է 7 հազար 340 մարդ: Ապաքինվել է 16 հազար 780 մարդ:
ՀԱՅԵՐԵՆ
Русский
English
Դաս. հայերեն
French
